Det kan vere tidleg heim frå jobb, sakte mat og alle samla. Ikkje idag!
Eg kom meg ikkje tidleg frå jobb, heller seint med høge skuldre fordi eg ville kome seint heim. Det var datatrøbbel som kunne gje den mest sindige høgt blodtrykk og eit utvida ordforråd. Men eg kom i mål og ut døra. Forresten kan fredag ettermiddag på jobb vere ei god tid, det blir stille, rutinene er unnagjort og ein kan gjere ting som krever ro. Men idag var det ikkje slik.
På tur heim måtte eg handle, det er rart kor ofte det er tomt for brød, mjølk, pålegg og frukt når ingen tek seg tid til å planlegge og handle stort. Så eg køyrde innom butikken, utan handleliste for å handle det eg trur eg huskar vi treng… Det er eit dårleg utgangspunkt! Men med litt fantasi og kostholdstankar i bakhovudet, vart handlevogna full. Eg planla for fellesmiddag, som skulle falle i smak med alle og gå fort å lage, med mann og barn før mannen forsvann på jakt.
Vel heime fann eg eit tomt hus, og det tikke inn ein sms fra yngste junior om at hanhadde ein avtale for kvelden som krevde oppmøte kl halv seks. Han hadde ete nudlar, det såg Sherlock Kirsti heilt av seg sjølv på kjøkkenet. Mannen fekk eg ikkje kontakt med. Eldste junior svara etterkvart, han var på trening og ville ikkje kome heim før sju. Familiemiddag, sa du? Det var rett før eg bestemte meg for "high fat, high carb"-middag med kun potetgull…. Heldigvis kom mannen heim og vi to fekk ein triveleg middag. Svinekjøtt, avocado og salat i maislefser. Litt nedtur at eplemosten som vi hadde ståande var gjæra… men vatn er godt det også!
Eldstemann kom i høgt tempo, gjekk rett i dusjen før han kasta i seg restar, og ein kompis henta han. Etterpå pakka mannen bilen og køyrte ut for å skaffe familien mat, vi får no sjå :)
 |
| Så her sitt eg, åleine i sofaen! |
Høres kjent ut; jaktenke og husmor:) her er også mannen og eldstebarn på jakt,, reiser tidlig på morgenen og kommer ikke hjem før sent. Til nå har det blitt ett rådyr på dem, så litt mat blir det vel.. så er jeg hjemme og lager mat. Vi har hatt høstferie denne uka og har kost oss både med taco, urtepoteter og annet godt, barna har hatt en del besøk og maten har virkelig forsvunnet.. men fellesmåltider er vanskelig.. her kommer noen når andre drar, de svipper innom kjøkkenet og mor står igjen som en hotellvert...veldig koselig når kjøkkenet til enhver tid er fullt, men masse opprydning på mor. Føler meg litt som et sånn bed and breakfast, hehe....
SvarSlett