onsdag 19. juli 2017

Vekestart veke 29

Eller start og start, det er vel lillelaurdag allereie, men det er litt untakstilstand no når det er ferietid, er det ikkje? Eg har ein gjesteopptreden på jobb denne veke, det går forsåvidt greit, eg veit jo at det straks er meir ferie, samtidig er det å snu døgnet for ei veke ganske krevande!

Fruen fra havet


Ei veke sjø- og båtliv sitt litt i kroppen, enno kan eg plutseleg gynge eller rommet byrjar å svinge på seg, men eg nyt senga mi og do innandørs, kjøleskap og kort veg til butikk! Eg saknar litt å sitte i båten og sjå utover sjøen, heilt til horisonten, eller til flotte fjell, inn ein fjord eller ut til nokre holmar og skjær. Samtidig gler eg meg til å reise tilbake til gjengen min på fredag, få med meg innspurten på Moldejazz, folkeliv og at det er meldt sol! Eg er midt mellom sjø og land!
Idag har junior spela på utescenen i Molde, medan eg var her. Då var det greit å kunne ta på turskoa og gå ein lang tur i marka. Eg fann ei molte som blir moden akkurat når eg reiser bort. Eg fann blåbærkart og eg plukka dei aller første bittesmå markjordbær. For ein smak! Eg såg skog og trær og himmel, eg vassa i myr og satt litt ved Lomtjønna, mitt smultronställe framfor noko i Estenstadmarka!


Og eg byrja tenkje på eit dikt av Hans Børli, som eg las for bnokre veker sidan. Det passar godt akkurat denne veka, når eg er midt mellom hav og skog!



Havet og skogen

- av Hans Børli
Havet og skogen er søsken.
De taler langveis sammen
på vindspråket. Den ene blond
av brenningers hvite skumbrem,
den andre mørk
av rotvokste vingeslag.
Havet og skogen er søster
og bror. Og selv er jeg
av samme higende ætt.
Jeg anerkjenner ingen grenser,
selv ikke dødens. Jeg har
sloppet mitt hjerte på beite
på solnedgangens røde enger
og slått opp min lengsels sandslitte
beduin-telt
bortenfor synsranda,
der lendet haller vestover
mot evigheten.

Ønskjer deg ei god veke, enten det er ferie eller jobb, sol eller regn!

Fruen fra skogen!

Mat i båt

Mat må ein ha! Og særleg i båt, vi hadde eit par lange dagar, og då er det viktig med mat. Det er ikkje noko særleg å skulle mestre dårleg vær eller tillegging ved brygge med lavt blodsukker, eller endå verre, ein kombinasjon av desse to...

Vi har fint kjøkken ombord, med gasskomfyr med to bluss og steikeomn. Men vi har ikkje kjøleskåp, berre ein innbygd kjøleboks som må ha isbitar eller kjøleelement. Før vi starta på tur, viste eg ikkje om vi ville få tak i nye kjøleelement eller isbitar undervegs*, og eg viste ikkje om vi kom til hamner med butikk lett tilgjengleg, så eg laga ei slags "verste fall-plan" (men rekna med at eg ikkje trong følge den til punkt og prikke, det viste seg å stemme)

Eg likar best å lage mat uten så mykje halvfabrikata, men på ein slik tur er det praktisk med lettvinte løsningar, så eg kjøpte inn potetmospulver(som ikkje trong mjølk), hurtigris, pasta, pastasaus på glas, bogskinke, kokosmjølk, currypasta og anna hermetikk. Eg kjøpte også inn egg, fersk pasta, parmesan og bacon, det tåler litt tid utan iskaldt kjøleskap.
Til pålegg kjøpte vi med kvitost i skiver, spekepølse, syltetøy, hermetisk tunfisk, nugatti og peanøttsmør, ting som fint tåler litt romtemperatur. Kokt skinke og slikt er ikkje like egna!

Til middag har vi hatt litt forskjellig,
måndag, første dag på sjøen var det pasta carbonara, laga ved kai. Fersk pasta kokar i ein fei, så røre inn stekt bacon, revet ost og egg (osten var finhakka, for vi har ikkje rivjern i båten, gitt)


tirsdag åt vi bogskinke med grønskaker og saus av curry og kokosmjølk, med hurtigris til.



onsdag låg vi til kai i Kristiansund sentrum, og gjekk på restaurant og åt dampa klippfisk med potet og grønsaker til. Og smørsaus.... :)

torsdag var ein kald og våt dag på sjøen, og ved kai vart det tomatsuppe med pasta, bogskinke og eggebåtar. Baguettar som var kjøpt halvstekte, vart stekt i steikeomnen og ete med eit raust lag smør på! Hadde eg huska det, skulle eg hatt litt currypasta i suppa, for å få den litt hot! Neste gong.

fredag laga eg mat i open sjø! Torsdag kveld fann vi ein matbutikk, og kjøpte frosne karbonader, det er ein fin ting å putte i kjølebagskåpet! Servert med løk, paprika og gulrotstaver stekt saman med karbonadene og potetmos til.



Ein dag eg var innom ein butikk, fann eg foccacia-brød. Det var super lunsj på sjøen, servert ferdig påsmurt med spekeskinke og parmesan (det hadde vore godt med litt aioli...) Det har vorte ein del brødskive med peanøttsmør eller nugatti slik midtfjords, lett å lage og lett å ete i fart.
Egg og bacon til frukost ved kai er ein fin ting! Omelett til lunsj når fjorden er roleg er godt!

Eg har jo ikkje vore i tvil om at vi skulle få i oss mat, på eit eller anna vis. Men eg likar å lage mat, og hadde ikkje lyst til å ete kjedeleg berre fordi vi var i båt! No har eg testa ut litt, og eg har fått nye idear til kva vi kan lage på heimturen. Og eg har veldig lyst til å prøve med på litt baking :)

*ang kjøleelement: den første butikken hadde ikkje frosne element, men eg fekk dei til å fryse dei ned og så kunne eg hente dei neste dag. Butikk to hadde frosne element, og det passa bra, sidan den var stengt då vi kom dit på kvelden.
Men det er jo begrensa kom mange element vi treng! Så det å kjøpe frosne matvarer og bruke dei som kjøling medan dei tiner, er ein ide (då må ein berre passe på, slik at den ikkje tinar for lenge, dårleg mage vil ingen ha på båt!)

tirsdag 18. juli 2017

Kva gjer ein på i båt?

Etter ei veke i båt, skal eg prøve å oppsummere kva vi har gjort på. For som ein kollega av meg sa då eg sa vi skulle på båtferie med seglbåt: "då må de ha god tid". Og det må ein, det går sakte, enten det er for segl eller motor.

Sjøsprøyt og segling

Så kva har vi gjort på?

På førehand hadde eg lasta ned fleire bøker på Kindle, eg hadde kjøpt eit par bøker, eg hadde med kryssordblad og aviser, eg hadde til og med håndarbeid med meg! Vi skulle jo forflytte oss i timesvis kvar dag. Korleis skulle eg få tida til å gå?
Eg har lese ei bok, fordelt på ei veke...det er lite til å vere meg! Eg har ikkje løst kryssord, eg har bladd fort gjennom avisene. Håndarbeidet ligg fint nedpakka enno.
Men på søndag, ved kai, og utan at vi skulle ut med båten, spela vi kort, og høyrte musikk, det skal vi ha! På søndag var forresten vi alle fire i båten, det var trangt og triveleg!


Det vi har gjort er å sjå på utsikta, både for å nyte og for å følgje med. (Og eg har sett på kart i ettertid, for å prøve å forstå omtrent kvar vi har vore og samanhengen mellom stadene) Vi har gått inn fjordar eg aldri har høyrt om før, der det knapt nok er bilveg. Eg har sett stader som kunne vore brukt som postkort og Norgesreklame, utan å gjere noko meir enn å ta bilder og sende ut. Vi har studert kart, for å finne djubde på fjordar, høgde på bruer og vi har dobbeltsjekka samme ting ein gong eller to. Vi har lell hatt litt hjarte i halsen når vi gjekk under bruene, iallfall dei første, for det såg ikkje ut til å gå bra. Det gjorde det! Ein kan stole på Kartverket! Eg har hatt ei veldig bratt læringskurve på sjømerker og fått repetert styrbord og babord og kva som er raudt og grønt av dei. Eg har lært at skipsleia går nordover langs norskekysten, så vi som har gått sørover har hatt motsatt farger enn dei som går nordover.
Båt i solnedgang på Nordmøre.
Og her hadde vi ein marina heilt for oss sjøl.

Her var det fleire båtar

Vi har sett på været, og vore flittige brukarar av yr.no. Vi har snakka med andre i hamner vi har ligge i, og fått vite om andre nyttige appar for vind og vær og bølger ("Windy" er installert på telefonen min). Vi(les mannen) har vore orientert om gjesthamner, og vi har prata om kor langt vi skal gå kvar dag. Kvar skal vi sove? Vi har sove i store hamner og bittebittesmå vi har hatt heilt for oss sjøl. Vi har lagt til kai i fulle hamner, med sterk vind og trange plassar. Vi har fått god hjelp, og ein båtmann på land klarte irritere meg med å anta(dessverre med rette) at eg ikkje er så god på knutar. Men han kunne latt vere å prøve så høglytt å forklare meg!? Med pipe i munnen og pedagogisk tonefall fekk han blodtrykket mitt til nye høgder!

Akkurat her var det vått! Det draup ikkje av skoa mine, det rann vatn...
Her er vi på veg under ei bru. Like spennande kvar gong!

Bamsemums og eg nyt finveret over Hustadvika.

Så skal det lagast mat, både i rom sjø og ved kai. Ein må ha mat! Og kva skal ein ete? Og kva kan ein ha med seg som tåler å ligge i ein kjølebag? Det kjem meir om mat i eit seinare innlegg. Men det krever iallfall sjøbein midtfjords! Og på liten plass krever matlaging meir planlegging, og det tek litt meir tid. Sjølv om det er utruleg kva ein kan lage på bitteliten plass!

Frukost servert undervegs

Middagskokken

Etterpå skal det vaskast opp, det krev også sjøbein. Og varmt vatn kjem ikkje frå kranen, det må kokast først. Og det må vaskast omtrent etter kvart måltid, for båten er liten og det er ikkje så mykje utstyr, og det er liten plass til å lagre oppvask. Altså, ting tar tid, ting som går fortare heime. Der iallfall vi har meir enn 4 knivar og det er lettvint å stue inn i oppvaskmaskina!
Så må det ryddast litt sånn generelt, og golvet treng kost og støvbrett og sengetøy må luftast. Vips er det sengetid!
Undervegs har vi fotograft litt også, eller litt og litt, fru Blom. Det har vore så mykje fint å sjå! Stadig nye, gode motiv!

Slik gjekk dagane! Vi prata mykje, kanskje ikkje så djupt, men vi var saman! Det var tid til å fundere litt, eg fekk høyre historier frå militære av junior, mannen kunne lese om sjømerker og eg kunne kikke på fuglane. Muleg vi treng ei fuglebok i båten.
Og ei veke gjekk fort, sjølv om kryssordet ikkje er løst og eg ikkje har hekla ei einaste maske!

Agdenes
Gamalt fyr på land og nytt fyr på skjær. 

søndag 16. juli 2017

Heime

Etter 7 dagar i båt er eg heime, klar (sånn litt) for ei veke jobbing. Eg syns kjøkkenet gynger,  og eg gler meg til å sove i senga mi og ha do innan kort rekkevidde. Det er ikkje så stas å vakne kl 3 og måtte på do, kle på seg, klatre over nabobyen og rusle til sanitæranlegget i regn...
Men vi har hatt det fint,  med sol, regn og vind. Trangt i båten, men mykje mindfullness og så mykje fint å sjå! Det kjem inntrykk og opplevinga i veka som kjem, under kategorien 'ut av komfortsona' og 'Kirsti gjer ting ho ikkje har gjort før'!

Men no er eg heime. Orkideen min sto i full blomst som velkomstkomite, og eg skal sove!

søndag 9. juli 2017

Akkurat no

Akkurat no er det kaos i heimen. Nokre av oss pakkar for ei lita veke med båttur, og ferie etterpå. Andre får formaningar og gode råd og ei formaning til. Eg skriv lister og krysser av på lister. Det kjem tidvis røyk ut ørene mine av frustrasjon. Nokre gjer ikkje det dei kan for å roe ned mor, syns mor. Sol og regn på ein gong ute.

Ein kan også seie at det er eit godt kaos, det er jo ikkje så farleg. Og mannen seier at når eg først skal vere "velsigna" med tullingar, er det godt det er tullingar som er glad i meg. Sant nok...

Og båttur sa du? Ei veke, det er mat og klær og utstyr og vasstette sekkar og sengetøy og har nokon sett soveposen min? Eg har kjøpt esker til mat, eg har delvis laga meny, eg har prøvd å tenke smart og smått(og ikkje klart det!) Har vi fyrstikker?

Fint på skogtur før idag!

Eg sjekkar yr tre gonger i timen, eller var det kvarteret? Har eg huska henge opp klesvasken? Treng eg joggesko på båten? Har eg nok lesestoff og blir oppvaskmaskina ferdig før eg skal legge meg?(ingen fare, ikkje i nærleiken av soving enno) Tenkte eg i det heile på dette då eg sa ja til båt i fjor?!


Eg satsar sterkt på lave skuldre og mindfullness og alt godt når vi får lagt frå kai! Vi har ikkje mindre enn 2 gitarar i båten, eg har ei bok av Odd Børretzen og eg skal ikkje nynne altfor mykje på denne sangen i natt....

Noen ganger er det all right


Jeg har mange, mange ganger - mange, mange, mange ganger - hatt lyst til å skrive en vise om livet -
in the morning - Altså, skrive en vise om livet om morgenen, ja ikke livet bare om morgenen - men det er særlig om morgenen jeg tenker på sånt, men jeg mener: det er'kke lett - det vil si - jeg fikk til refrenget. Og det ble sånn. ta ta ta ta ta ta ta ta ta ta ta ta ta ta ta ta ta ta ta ta ta ta ta ta ta - in the morning - Og denne visa skulle altså handle om livet, men jeg mener - livet- det er så svært - og langt! men jeg tenkte - jeg tenkte at - jeg kunne kanskje sammenligne livet med å være i båt - om sommeren. Jeg har ganske god greie på det, for jeg er ganske mye i båt om sommeren - og det er ofte forferdelig ubehagelig. Og sånn er livet også - ofte - særlig om morgenen - når det regner - og det regner mye om sommeren - i båt - og i livet. Da drypper det fra dekket og ned på loffen, og det er skorpe på leverposteien, og alt er'kke bare vått - det er dertil totalt hensiktsløst - og dyrt og jeg tenker da: Hvorfor er jeg egentlig her? Langt fra folk - omgitt av stein og vann og fiks. Hvorfor er jeg ikke et helt annet sted? På Theatercaféen, kanskje, hvor du kan sitte helt tørt ved bordet og se på folket i regnværet ute i Stortingsgata som løper etter trikken hvis den trikken i det hele tatt kommer den dagen. Kanskje den er lagt ned? Men inne kommer kelneren med det du ber om - og måker - jeg har sagt det før, og jeg sier det igjen: Jeg hater måker! De skriker! Og oppfører seg som dyr, og jeg tenker: Sånn er livet også ganske ofte - som en våt morgen med dyr som skriker og drypper, og det er skorpe på leverposteien, og skorpe både på det ene og det andre. Sånn er livet. - Og sånn er det å være i båt også - særlig om morgenen - noen ganger. - Men noen andre ganger - eller for å si det på en annen måte - noen ganger - i båt om morgenen - og i livet også - forsåvidt - Noen ganger er det all right Noen ganger er det all right Noen ganger er det helt all right In the morning Noen ganger er det all right Noen ganger er det all right
Odd Børretzen

Håpar eskene til mat gjer at vi slepp skorpe på leverposteien, særleg sidan eg ikkje har kjøpt leverpostei ein gong! Følg meg på Facebook og instagram (@kisabo) så blir du oppdatert utover veka. 
(Har vi alle karta vi treng, forresten?)


Og rett fram her, der skal vi segle i morgon!

mandag 3. juli 2017

Vekestart veke 27. Snart ferie, planlegging og skogtur

Det er jammen juli. Eg kjente på eit slags vedmod i går kveld, det går altså mot mørkare tider, og eg har ikkje starta ferien enno! (og ja, det går mot mørkare tider, men det er enno lyst døgnet rundt, og det er snart ferie, og erfaringsmessig er august fin i Trøndelag. Sa ho tappert!)

Sommarnatt

Sommarliv

På jobb er vi færre og færre, sjølv om det i dag dukk opp ein ferievikar, men det er litt tynt rundt lunsjbordet og vi deler oppgåvene etter formelen "kven gjer dei ulike oppgåvene raskast". Det har sin sjarm å jobbe på sommaren også, når det ikkje er altfor mykje å gjere, (for då er hovudet fullt både dag og natt...har hatt slike sommarar og) for det er ein slags ro og det blir ei anna stemning. Og eg må huske å ta med sjokoladekakeresten frå sommarfesten vår ein dag denne veka, då blir nok folk glade.

Vi planlegg sommarferie og segltur, eg skriv lister om mat og utstyr, mannen skriv lister om gjestehamner og les kart. Eg har kjøpt ny brødkniv til båten, vannkanne og skal fylle gass på den tomme flaska. Mannen har reparert nokre småskader på båten. Han har montert ovnen slik at vi får lagt på plass benkeplata over. Eg planlegg å bake havrekjeks. Eg les værmeldingar  og langtidsvarsel, og har funne ei side på nettet som har bølgevarsel. Spisebordet har dei siste vekene vore dekt av sjøkart og landkart og passar og lupe. Eg har kjøpt bok om båtliv. Eg planlegg også kva bøker eg skal ha med og lese i båten! Slik går kveldane!


Dette er også livet i båt.
Fiksing krev redskap og utstyr!

I helga var eldstejunior innom heimen nokre få timar. Han snakka varmt om Lofoten og Helgelandskysten, han har hatt ferie saman med vener, gått på fjellturar, fiska og sove i telt, og kom heim med bilen full av skitne klær og turutstyr. I morgon kjem han heim, etter eit år i nord og med kongens klær. No er han ferdig! Og då er vi samla for første gong på lenge! Vi skal ha nokre dagar heime, saman, trur eg. Men kva veit vel eigentleg ei mor til to frittgåande soner?!

Yngstejunior ville gjerne lage middag idag, kven seier nei til slikt? Eg stakk til skogs, eg fekk høg puls, vart svett på ryggen, lukta på blomster og senka skuldrene. Og luksus, eg fekk pasta med heimelaga tomatsaus og skarpe kjøttbollar då eg kom heim!

Idag må det bli eit slags sommardikt,

Solstrålen, bølgene,
gresset, trærne
den lille roen
myggen flyr forbi
uten å sette seg

Nora Aschim

Tenk deg ein mygg som ikkje sett seg? Den myggen var ikkje her torsdag kveld, for å seie det slik. Bølgene som klukkar rundt båten, alle dei grønne trea i skogen, det er så fint! Og det gir ro!


Ha ei fin veke, med eller utan sol og varme, med eller utan fri, ferie, planer eller lesestoff!

Blomstereng