torsdag 26. april 2018

Ny telefon og overføringsproblem

Eg er bortimot heilt avhengig av mobiltelefonen. Eg brukar div apper, Instagram, Facebook, Snapchat, eg er avhening av nyheiter på nett, eg brukar Vipps+++ Eg veit mange høyrer musikk, men det gjer ikkje eg, men radio, det er fint! Messenger, meldingar, mail. Og innimellom brukar eg den til å ringe med også :)

Min trufast Samsung, med rosa deksel, byrja få hikke. Eg syns ikkje den var så veldig gamal, man den kan ha hatt eit slitsomt liv? Innimellom åt den opp batteriet på to timar, den slo seg av, den hang seg opp. Eg fekk ikkje alltid til å ta den når den ringte. Det byrja nærme seg krise!

Omtrent samtidig fekk vi tilbod om tenestetelefon på jobb. Spenninga var om den rosa ville halde heilt fram. Det gjorde den. Spenninga var og om eg fekk overført alt til den nye telefonen. Eg kan vere ingeniør så mykje eg vil, eg likar ikkje den type ingeniørarbeid! Eg brukte ein kveld på å leite etter korrekte epostadresser og passord, koder og slikt. Alt har jo passord, og det skal vere unike passord... det krever si kvinne å huske(og halde orden)

Den dagen telefonane kom på jobb, var det mange spente folk. Heldigvis var det tatt høgde for problem, og vi hadde tre proffar til å hjelpe oss! Vi ville jo greie det sjøl, det ligg vel innbygd i dei fleste av oss? Samtidig gjekk vi aldri langt unna området der hjelparane satt. Undervegs var det mange hurrarop når vi greide å starte telefonane på eiga hand, ein del brumming og stygg mumling når ting ikkje gjekk vår veg. Og febrilsk leiting etter ein proff når vi ikkje fekk til ting! Og då eg skrytte stolt på melding til sonene over alt eg hadde fått til, kremta den eine proffen diskret og lurte på om eg ikkje hadde gløymt det han hadde gjort?!

No, etter nokre dagar, går det meste greit. Eg har fått igang både den eine og den andre appen, også dei med passord. Det har krevd litt innsats, men no trur det meste virkar, unntatt dropbox, difor er det litt lite bilder i dette innlegget:) Eg må altså jobbe litt til med den.

(og den rosa telefonen har vorte restarta og oppgradert og kva veit eg, av ingeniørstudenten, og har fått eit nytt liv medan han ventar på den nye telefonen sin)

søndag 22. april 2018

Veke 17

Sa eg at eg møtte våren sist veke? Då hadde eg ein liten forsmak sommar denne veka, evt full "vår ala april på sitt beste"!!! (og i ein parantes, ikkje så artig april medan eg vanta på bussen i styrtregn!)


På måndag gjekk eg sesongens siste skitur, igjen. Eg håpar stadig det lurer ein skitur til rundt neste sving. Men det spørs... Denne hadde innslag av slush, is, fotbad etc, MEN samtidig var det SÅ fint! Sol, varmt, der det ikkje var is etc, var det snø og gode løyper. Det er ein viss fare at eg ættar direkte frå den første nordmann som Odd Børretzen skriv om, han/ho som istaden for å sjå på vårteikna følger etter snøgrensa...


Tirsdag bakte eg krydderkake. Ikkje berre fordi mamma fylte 82 år denne dagen, men for å kunne ha med på jobb onsdag. Krydderkake med osteglasur...fort gjort å måtte prøvesmake litt!


Onsdag hadde vi parasittkurs på jobb. Så interessant og lærerikt, og eg skal ikkje dele så mange detaljer her :) La oss berre slå fast at der har eg mykje å lære om midd og dens venner, og eg kan sikkert lære meir om tarmparasittar og, men der er eg ikkje på fullt så gyngande grunn.
Etter jobb pakka vi i bilen og sette bilsnuten mot Romsdalen.



På torsdag var eg på fergetur og fulgte mamma på eit sjukehusbesøk. Ære vere lokale drosjesjåførar som kjenner både folk og land, og sjukehusvertar som ser folk og passa på! Sjøl om vi ikkje trong hjelp, er det fint med nokon som kan systemet og som ser oss som sitt i kø!
Då vi kom heim, var det nesten 20 grader og sol. Eg gjekk tur, høyrte fuglesang og bekkebrus og såg hestehov, snøklokker og kvitveis i alle grøfter. For ikkje å snakke om at det vart grønare minutt for minutt. Eg gjekk meg varm i motbakkane og tenkte at eg tåler jammen sommar og varme i år også!


Fredag var eg ute på ærend og gjorde både det eine og andre, og jammen rakk eg ikkje møte mannen til ein kjapp date med lunsj på kafe. Snakkarane (80 og 88 år) måtte vente litt på justeringsskruane (eg kjenner meg litt på tynn grunn når eg går på slik snekkarbutikk og skal ha justeringsskru...) slik at dei fekk inn badeglaset, men dei brukte heldigvis pausen til å få seg litt mat!


På laurdag tok eg bussen. Dette er utsikta frå busshaldeplassen. Markane vart grønare for kvar dag. Og akkurat her regna det også...


Idag, på søndag, kom vi heim. All snøen har smelta! O lukke! Og krokusen hadde kome fram!

Søndag kveld

Søndagskveldane er sånn både og. Det er slutten på helga, og mentalt starten på neste veke. I morgon tidleg er det full rulle igjen, og hodet har byrja jobbe...

Glimt får helga. Eg møtte våren!

Eg har hatt langhelg, vore i Romsdalen, rekt både det eine og det andre. Då er det veldig godt å kome heim, tømme bagen, starte ei vaskemaskin, ta ei treningsøkt +++, men eg slappar ikkje heilt av lenger, måndag morgon lurer i bakhodet. Eg har betalt ein bunke regningar, avbestilt bokklubbøker, lese mail, prøvd å kome litt ajour. Bladd gjennom avisene, sortert innhaldet i postkassa, mest reklame, hatt kontakt med både musikaren og ingeniørstudenten.

No skal eg lese litt og vente på at tørketrommelen blir ferdig, så blir det plutseleg natt!

Har du det slik på søndag kveld?

mandag 16. april 2018

Veke 15

Dette var veka då våren kom! Like rart kvart år. Det går frå kuldegrader på natta og snø over heile plena til varme og sol og krokus og den første lunsjen på terrassen! Jippi for årstidene. Eg syns vinteren har vore super, men eg elskar våren også.

På måndag kjøpte vi nye fjellski til meg! Hurra! Kanskje rekk eg bruke dei før snøen forsvinn?
Gler meg til å bruke dei, sjøl om det kanskje ikkje blir denne sesongen.

Tirsdag, sol og småsko. Sjøl om eg likar ki og snø, er dette eit høgdepunkt kvart år.
Det kjennes som å fly! Akkurat her var det ikkje is heller, hehe.

Onsdagen tok meg frå bar asfalt til skitur. Seint på ettermiddagen, med full sol!
Det var fint, og føret var varierande, frå is i sporet til slush
Torsdag var det sceneskifte igjen. Årets varmaste dag, til då, var perfekt til båtpuss,
skifte av sinkanode på propellen og anna forefallande arbeid. Vi rakk å bli ferdige
til felles båtutsett i år også.


Fredag bakte eg fylte horn til dei som skulle sette ut båt på laurdag, og
litt til middag på fredag kveld. 

Laurdag var eg på familiedag på Sund folkehøgskole.
Her er utsikta frå øverommet til junior. den er slett ikkje ille!
Det var musikk og sang og latter og talar og informasjon fra alle
dei ulike linjene. Og god mat.

Søndag kome med sol og varme, og litt tid innimellom til å nyte dagen på
terrassen. Te og lesestoff og snø som smelta slik at vi nesten kunne
sjå korleis den krympa!

søndag 8. april 2018

Veke 14


På måndag avslutta vi påskeferien og reiste heim til Trondheim. Eg tok ingen bilder, viser det seg. Så dette glimtet frå 1.påskedag og det ekte påskefjellet får duge!


Tirsdag var litt blåmåndag. Tilbake til jobb og rutiner og pc og bakteriar. 
Men kontorpulten var enno ryddig! 


 Onsdag viste seg å ha ein fin solnedgang!


På torsdag snødde det. Og det snødde endå meir etterpå. 
Det vart ikkje til at eg sette meg på terrassen.


Fredag var fri. Og ski. Og på kvelden var vi på Fagn. Vi åt 18 rettar. Vart rett gode og mette.  (og litt blakke, men det var det verdt!) Matkunst med god smak! Og det var jo litt artig at akkurat den dagen vi var der sto det anmeldelse i VG


Kylling med aspargessaus og asparges med blomster

På laurdag åt eg rugbrød til frukost. Frå Fagn med smør laga på fermentert fløte (ikkje spør, dette kan eg ingen ting om!) For Fagn sender med deg eit lite brød og litt smør som du kan ete til frukost dagen etter! Etterpå vaska eg vindu. Det vart veldig mykje betre enn det var!


På søndag var det ikkje igjen brød frå laurdagen, men eg hadde havrekjeks med tranebær og nøtter som eg åt til tekoppen min, medan eg las bok! 


Sko!

Ryktet vil ha det til at eg er glad i sko. Ryktet snakkar sant!
Men det er veldig lenge sidan eg har blogga om sko. Det må vi gjere noko med.

Ute smeltar snøen. Eg har gått mine første turar med joggesko, det er som å gå barfot etter ein lang vinter med tunge sko! Eg må berre passe meg litt for is og slaps og skitvatn i gata vår, som stadig får nye hol og humpar og grøfter i vårløysinga, så eg ikkje blir våt og skitten.

I vinter har eg brukt desse skoa mykje. Litt vemodig idag, då eg byrja lure på om det var siste skitur for sesongen.... Satsar på at eg rekk nokre til, det er iallfall nok snø. Det er programmet mitt som er fullt. Trur dette må vere eit av mine beste skokjøp. Eg har brukt dei mange gonger i vinter, og eg har ikkje eit gnagsår, til forskjell frå forrige skiskoa eg hadde, med gnagsår frå desember til mars.


Rett før påske kjøpte eg desse skoa. Det var ein rest får nyttårssalget, og då er gjerne rabatten stor i håp om å tømme lageret. Flaks for meg at det eine paret som sto igjen var i min storleik. Eg trur heilt klart desse skal bli brukt, når det berre tørkar opp ute... (Eg er veldig usikker på fargen på desse. Alt etter lyset er dei brune, lilla eller mørk grå.)




Dei brune skoa kjøpte eg i haust, akkurat i tide til at snøen kom (og eg ikkje fekk brukt dei) No står dei klare, langt framme, og ventar på lettare vær. Eg gler meg!!!



Dei orange joggeskoa er nyvaska, klar til bruk! Og alle dei andre skoa mine, til ulikt bruk, terrengsko, piggsko, joggesko, sandalar+++, dei står klare og ventar på vår og sommar saman med meg!

fredag 6. april 2018

Fredag. Fridag.

Fredag. Fridag. Frukost i sakte tempo, det er det som passar best for meg.

Igår var vi konsert med mykje jazz- og litteraturerfaring. Veldig bra!


John Pål Inderberg,  Jan Erik Vold og Bjørn Alterhaug.


Etter frukost: Skitur. Klabb og babb under skia først, så drømmeføre.  Eg gjekk og gjekk. Tilslutt måtte eg heim. Byrjar lure på kva eg skal når skiføret er borte...



Eg har sitte i sofaen og lesebok. Krimboka eg les er så skummel at eg berre les i dagslys... men no nærmar eg meg slutten. Etterpå skal vi ut og ete.


Blomster på duk og blomster i vase. Rosene var kjøpt til påske, står fint enno! Nysnø og sol og aprillys,  det er så fint!


Resten av helga skal vi ordne båt. Krysser fingrane for varmare vær og opphaldsvær. 

torsdag 5. april 2018

Jeg velger meg april

Påska er over, med sol og sol og sol. No har vi endeleg fått slik vær at vi har noko å klage på! Idag har det starta å snø, i rause mengder. Og no trur eg det er heilt normalt med snø i april, men at vi gløymer det, kanskje fordi påska er over? Det var tidleg påske iår, så at det snør i starten av april er vel ikkje så rart... Snø er kvitt og vakkert, (og upraktisk.)


Misforstå meg rett, eg gler meg til vår. Gjerne no snart. Vi har ein båt vi skulle hatt klar til utsett neste veke, og det krever både opphaldsvær og gjerne litt varme. Det er ikkje meldt det dei første dagane. Vegane er glatte, folk sklir rundt,
Eg vil gjerne sitte i solveggen, eg kan godt kle på meg, men sol, tekopp og lesestoff, ja takk! Det vart ikkje idag.


Påskeliljer i aprilsnø

Men eg har ved og varme klær, og ski. Så eg klarer meg vel ei stund til. Men om nokre veker, kan eg få litt vårkjensle då??
Så skal eg prøve å nyte siste del av vinteren først.

Dagens skitur. Nok snø. Lite folk ute.


Avisene er fulle av tilbud på grill, hagemøbler og lette vårsko.  Og ute er det .... snø!

Nedsnødd dame


JEG VELGER MEG APRIL
Jeg velger meg april
I den det gamle faller,
i den det ny får feste;
det volder litt rabalder,
– dog fred er ei det beste,
men at man noe vil.
Jeg velger meg april,
fordi den stormer, feier,
fordi den smiler, smelter,
fordi den evner eier,
fordi den krefter velter,
– i den blir somren til!

Jeg velger meg april, sa Bjørnson, og eg vel å halde mest fast på siste del: "-i den blir somren til!" Det blir nok iår også...
Men kanskje ikkje i kveld.

Det snør utanfor stoveglaset.

tirsdag 3. april 2018

Veke 13

"Den stille uke", med jobb, og påsketur til Romsdalen.


Måndag, og jobb. Påskeegget på jobb var på mystisk vis alltid fullt! Det er krevande for meg med dårleg impulskontroll på godterieting... Denne frosken inneheldt nok ca 100% sukker itillegg til 50% kunstig farge og 50% kunstig smak :)


På tirsdag hadde eg frisørtime. Den siste før frisøren tek mamapermisjon. Det må ho få lov til, men eg gler meg til ho er tilbake. Dette er det eg fekk då eg kom heim: Ytrefilet av elg, potettimbal og bønner med solsikkefrø og bacon. Slik går det når mann og son les kokebøker det meste av dagen og lagar middag til eg kjem heim frå frisøren!


Onsdag reiste vi til Romsdalen, etter jobb og  båtpuss og klesvask og rydding og diverse anna. Over Dovrefjell fekk vi solnedgangen.


Skjærtorsdag gjekk karane mine på topptur. Eg gjekk berre litt oppover. Dessverre var det skare, og eg bar skia ned igjen. Eg treng fjellski med stålkanter! Skal snart ut og kjøpe, slik at eg er klar til neste påske. Men det var ikkje så verst i ein solvegg på ei seterbu, der eg drakk varm saft og åt matpakke.


Langfredag gjekk dei yngste karane på nok ein topptur, medan mannen heldt meg på selskap på lang gåtur. Det er mange fine fjell å sjå på fra lavlandet også!


Påskeaften var det både rett dag og rett dato for mamma og pappa sin 62-års bryllupsdag! Det er det all grunn til å feire. 18 stk, vi var eit utval barn, barnebarn og oldebarn. Det var kaker og lefse og vaflar og det vart akkurat nok. Etterpå vart det kveldsmat. Det var ikkje stille! Heller ikkje då nokre av oss spela spel til slutt. 


Første påskedag var det ny skitur. I det terrenget som for meg er det ekte påskefjellet. Det var ikkje så bratt, men det var minst like mykje skare! Og det var sol! Sol og nesten skyfri himmel. Eg gjekk og gjekk, eg drøymer framleis om fjellski. Eg datt ikkje, eg var innom hytta, eg møtte kjente. Eg kosa meg!

Tirsdag

Når veka startar på tirsdag, blir det ei kortare veke, forsåvidt. Men helga har vore lenger også...så det krever meir å stille om. Vi var fleire på jobb idag som snakka om tanken om "fri etter ferie", slik for å slappe av litt. Det blir vel med snakket!

Iallfall, eg har vore på jobb, gjort ting som ikkje er så bloggvenlege på obduksjonssalen, kokt litt bakteriemat og prøvd å vere klok.

Kontorpult, prega av at det er første dag etter påske.
Den er nesten tom!
Vel heime tok eg ut begge skuffene med grønnsaker, renska og kutta opp løk (den var stort sett frisk og rask) brokkoli som hadde vore heime åleine i påska og ikkje var så fristande lenger, gulrot, søtpotet, kvitløk, paprika, igrunnen det eg fann, fresa i panna, kokte med buljong, og mosa med stavmiksar. Blanda inn kokosmjølk og ein boks linser. Stekte opp pølsebitar, kjøpt til påske. Restemiddag, full av antioksidanter og godsaker, servert med brød!

Vaskemaskina er ikkje ferdig med dagens jobb, heller ikkje oppvaskmaskina, men eg skal snart unne meg litt krim, som eg ikkje rakk i påska.