søndag 26. juli 2015

Bokhyllemeter

Vi er glade i bøker i familien vår. Vi elskar å lese. Både mannen og frua. Det er alltids ein grunn til å kjøpe ei ny bok, gå innom ein bokhandel eller tre, rusle gjennom biblioteket, låne bøker. Det er alltid tid til å lese. Vi har lese høgt for ungane. Vi les kvar for oss. Å reise bort utan ei bok i bagasjen er utenkjeleg. Bøker kjøpt på reise tel ikkje… Eg har takka ja til bøker når nokon andre har hatt for mange. Jada, eg har Sigrud Undset samla bøker, og Johan Falkberget sine. Vi les gjerne aviser til frokostbrødskiva og ei bok på sofaen etter middag. Vi har bøker i alle rom. Det er stadig rasfare ned frå nattbordet.
Ein slik livsførsel fører med seg eit problem: nemleg lagringsplass. Særleg ille vart det då vi skulle bygge på og bygge om, vi måtte ta ned bokhyller og pakke vekk bøker, mange bøker. Det har vore sorg over bøker vi veit vi har som ikkje har vore tilgjengelege. Enkelte bøker har vore pakka bort sidan 2007. Skrekk og gru! Det har ligge i bakhodet at vi treng bokhyller, mange bokhyllemeter.

Men no, endeleg, etter fleire år med bygging, ombygging, oppussing +++ er kjellaren ferdig, og mannen har bestilt og montert bokhyller. Tenåringane har løfta ned bokkassene frå mørkeloftet og vi har byrja jobben med å pakke ut. Det er litt sånn: "Oi; har vi så mange bøker…. Oisann, har vi to av den? Åh, der er den, den skal eg jammen lese på nytt, og den og den". Og ikkje minst: "Oisann, vi får ikkje plass!!!" Litt rødming over dårlege bøker, det vart ei kasse med bøker som skal kastast og ei med bøker som skal gis bort. Vi prøvar sortere, slik at det skal gå lett å finne igjen bøker i hyllene. Vi sorterar alfabetisk, sjølv om eg foreslo både fargesortering og sortering på storleik, så går vi for den tradisjonelle måten. Vi har mange bøker av forfattarar på H, ikkje så mange på O. Mange på A og færre på M.
Bøker i hylle og bøker på golv...

Det blir ikkje plass til alt! Det står igjen kasser som er opna, men ikkje tømt. Alle dei fine barnebøkene ligg i kasser enno, spørs om dei blir der ei stund til. Hobbybøker likeså (rekk jo ikkje bruke dei no, sidan eg skal lese om igjen så mange andre) Faglitteratur krever eit eige rom. Akustikk og biomedisin, det blir for spesielt interesserte.

Men alle notebøkene får plass. Og samlinga mi av Ole Brumm-bøker, på norsk, engelsk, tjekkisk, fransk, spansk, russisk etc. Og litt chiclitt, litt krim, gamle klassikarar. Harry Potter! Må få ned ein godstol og leselampe. Så kan vi sitte der og gruble på kvar vi kan få opp like mange hyllemeter til, til resten av bøkene!

Men eg treng bøker! Eg tenkjer dei kan vere litt som det Olav H Hauge sier i dette diktet, ein stein å trø på!

Eit ord

Eit ord
- ein stein
i ei kald elv.
Ein stein til -
Eg må ha fleire steinar
skal eg koma over
Olav H. Hauge
God veke til deg!
Det spørs om eg må gå for Kindle litt oftare :)

torsdag 23. juli 2015

Stockholm

Ferie er naturlegvis å ha fri, ein treng ikkje så mange planer, men det er godt å kome seg litt vekk frå kvardagen og vaskemaskinfylling og plenklipping.
Vi tok ei langhelg i Stockholm. Det er ein fin by! Eg var der i haust også, og då var det så fint vær at eg rekna med det var standard der… Vi hadde direktefly frå Trondheim, så vi var der på "null tid"(nesten).

Ok, så slo ikkje veret heilt til… Eg hadde planlagt at vi skulle bade i skjærgarden, men det vart ikkje noko av. Det var grei temperatur, regn kvar dag og slik sett velegna for byvandring.

Familien er eit bokelsaknde folk, særleg mor, og det ar litt stas at hotellet Morington hadde bøker overalt! I resepsjonen, i spisesalen og på rommet! Mykje heilt ukjent, svensk litteratur, men også kjente bøker. Mannen rakk å lese ei av Arn-bøkene av Jan Guillou, om bygginga av Stockholm by. Hotellet låg på Østermalm, som er litt å gå frå sentrum, 20-30 minutt, det kjem an på om du er mor eller ei mor som prøvar halde følgje med langbeinte soner…
Kva gjorde vi i Stockholm?

  • båttur på sjø, innsjø og kanalar med guiding. Veldig fint! Får sett mykje på kort tid, og historikk samtidig. Plana om ta guidebuss rann ut i sanden.
  • vi gjekk og såg på byen og folkelivet. Gamla stan er veldig fin, men også andre deler av byen er fin, det er parkar og hus og gatemusikantar. Byen(sentrum) er ikkje større enn at ein rekk over mykje!
    Brustein. Vi gjekk mykje på slik.
  • vi år i ein mathall ein dag. Der er det mykje å sjå, prøvesmake og berre overveldast av, i tillegg til å ete.
  • mat generelt er viktig på ferie!  Vi har ete både typisk svenk, og meir andre ting som indisk, kinesisk, meksikansk, japansk, tyrkisk+++ 
    Biff i ein slags nøttesaus

    Sterk kylling!



    Nede i ein mørk kjellar åt vi sandwich
  • vi vart gode på å finne stader å ete, gjerne små plassar. Og aldri har eg hatt tilgang på så mykje gratis trådlaust nett, for det må dokumeterast på snap og insta +++ at ein er på ferie og tenåringane hadde ikkje ubegrensa med 3G på telefonen. Det er mykje gratis nett i Stockholm, det var stort sett berre å spørre, så får ein passordet.
    Mor er like ille som sonene på sosiale nettverk!
  • vi var på Vasamuseet. Tips: ver der når dei opnar, då vi var ferdige med vårt museumsbesøk, var køa sikkert 150 meter lang… 
    Vasaskipet
  • slottet!!! Det er omvisningar og deler er opne så ein kan gå rundt sjølv. Vi gjorde det siste, og skulle hatt mykje meir tid. Vi såg mykje pomp og prakt! Vi var i Slottskyrkan, og det var artig å gå ned trappa der prinseparet dansa ned for ikkje så mange vekene sidan. Romantisk og stas for ein royalist som meg.
    Heilt grei stil på slottet
  • Grøna lund, tivoli nesten midt i byen. Den dagen REGNA det… det vart ikkje like kjekt som om det hadde vore sol… Fordelen var at det ikkje var kø. Men for meg som er ekspert i å passe mobiltelefonar og jakker vart det evig jekt etter eit tak å stå under.
    Eit lite glimt av sol, faktisk
  • gitarbutikkar! Eit viktig innslag i ferien for vår familie. Det var visst eit godt utval av slike butikkar i Stockhlm, eg kan igrunnen ikkje meine så mykje om det, for eg kom til å gå for meg sjølv og gjere andre ting akkurat då :)
    Trange handlegater
  • Storkyrkan. Vi var på gudsteneste her søndag. Litt meir høgkirkeleg enn ei vanleg gudstenste i Norge, fint å vere med på.
Kyrkjetak
Ein fin ferie! Og som alltid godt å kome heim! 


Og nokre skattar fekk eg med meg heim:) Knekkebrød, te, snop, neglelakk og notetbok, mellom anna. 



tirsdag 21. juli 2015

Tebrød

Då vi kom heim(og heim her betyr til mamma og pappa) på ferie, fekk vi servert tebrød. Mamma hadde ikkje fått laga så mykje som ho gjerne ville, men desse hadde ei historie og eg fekk ein tur ned "memory lane", så eg fekk mykje syns eg! Tebrød(eller testokkar, eller kanskje ein norsk versjon av biscotti, småkaker, kjørt barn lyder mange namn) var sommarkaker for mor(altså mi farmor, som alle kalla mor, både barn, svigerbarn, barnebarn og naboar) Ho brukte å lage ein stor porsjon av desse på sommaren, det er tørre kaker som er enkle å ha på lager , dei er lette å lage (eg vil tru dei fleste av oss har det som trengs for å lage dei i skapet til vanleg) og greie å servere (men ho må ha gøymt boksen, for dei blir lett borte…)
Her er foto av mor si handskrivne oppskrift(og mamma sine ekstranotatar)

250 gr sukker
250 gr smør
2 egg
1 liten kopp fløte (ca 1,5 dl)
1 ts hjortesalt
1 ts vaniljesukekr
500 gr mjøl

Start med å røre smør(eg brukte margarin) og sukker kvit, og tilsett egg.

Tilsett så fløte(eg brukte matfløte), mjøl, hjortesalt og vaniljesukker.
Bland til ein laus deig. 
Sitron frå kjøleskapet og fancy zestjern kjøpt i Houston 
Og så har nokon av oss litt trøbbel med berre å følje oppskrifta. Og oppskrifta (og dei eg smakte hos mamma) minte litt om biscotti. Så eg hadde rive sitronskal i 1/3 av deigen og blanda nøtter(hasselnøtter, mandlar og valnøtter) i 1/3 av deigen, og så vart siste tredjedel med "original"smak.

Ein tek det ein har, det vart blanda nøtter

Del i 9 deler, trill ut til stenger(bruk mykje mjøl, deigen er laus). Legg 3 stenger på kvar plate, trykk litt flate og steik 12-15 minutt ved 200 gr. Eg stekte alle tre bretta med stenger før neste trinn.




Ta ut(og avkjøl litt) og skjær i bitar på skrå, ca 1,5 cm breie. Legg med snittsida ned og sett inn i ovnen igjen til tørking(eg tørka ca 45 min ved 70 gr varmluft og hadde alle tre bretta inni samtidig), og hadde ei glipe på omnsdøra. Prøv om kakene er sprø, og tørk evt lenger)


Avkjøl på rist og legg i tett boks. Dersom du har kontroll på boksane, burde du ha småkaker til kaffen eller tekoppen til både deg sjølv og gjestar ei lang stund!

Om eg kosa meg med te og tebrød til kveldsmat? Kva trur du!


mandag 20. juli 2015

Jordbærtider (og vekestart på ein måndag)

Altså eg må berre påpeike at eg er i usedvanleg god rute og legg ut vekestart på mandag denne veka(for første gong på svært lenge, men…) 

Ferien er over, vi er heime igjen etter 3 veker på farten, vi har berre såvidt vore innom heimen og pakka om, vaska litt klær og sove ei natt eller to, og det bær huset preg av… Støv og hybelkaninar slåss om merksemda mi. Eg er ikkje tilbake på jobb enno, og eg skal prioriterer tida mi betre enn til vaskining, så huset vil bære preg av ferieavvikling ei stund enno. Det tek si tid å pakke ut, vaske alt som er skittent og halvskitten og få ting tilbake på plass i kjellar og på loft. Det tek si tid å fylle opp att i kjøleskapet, og få døgnrytma på plass. 
Idag har eg sylta jordbær. Det er jordbærtider. Det er rette tida for dessert kvar dag, jordbær med fløte, vaniljesaus, kesam, is eller noko anna godt. Eit dryss mynte på toppen, sukker kanskje? Berre jordbær i skiver på frukostbrødskiva, ferske jordbær til havregryna til frukost? Jordbær som snacks på kvelden! Vi fråtsar akkurat no! Kjenner at vi tygger på antioksidantar og vitaminer dagen lang! 


Eg ønskjer meg jordbærplanter i hagen, men det får bli ait anna år. Nokre år er vi heldige og finn to eller tre markjordbær ved postkassa, men iår har det nok vore for vått og kaldt. No er iallfall forsyninga vi skal nyte i vinter vel på plass i frysaren, til bruk på brødskiva, som dessert og til vaflar! (og eg er usikker på om det seier noko om kor effektiv eg er eller kor seint junior står opp, men eg var iallfall ferdig med syltinga før han sto opp)

Det gir seg litt sjølv kva som skal vere vekestartverset idag:

VISE FOR GÆRNE JINTER 
(Alf Prøysen )

Oppå lauvåsen veks det jorbær,
fine jorbær, raue jordbær.
Hele væla er bære jorbær
finn et strå og træ dom på...
Ett er for gammalt, den ska få stå.
Ett er for grønt, den går vi ifrå.
men æille andre ska vi ta med hematt
og leve lykkelig med sukker på.

Oppå lauvåsen veks det gutter,
fine gutter, lange gutter.
Hele væla er bære gutter
finn et strå og træ dom på.
En er for gammal, hæi ska få stå.
En er for ung, hæin går vi ifrå.
men æille andre ska vi ta med hematt
og leve lykkelig med sukker på.

Oppå Lauvåsen veks det minner,
gode minner, gærne minner.
Hele væla er bære minner,
finn et strå og træ dom på.
Ett er for gammalt, det ska få stå.
Ett er for nytt, det går vi ifrå.
men æille andre ska vi ta med hematt
og leve lykkelig med sukker på.

Og inni hodet mitt, har eg flerie innlegg klare. Eg skal dele ei god oppskrift, eg skal fortelje om Stockholm og eg skal synse litt om helsevesenet.

Ha ei strålande veke! Vips så skriv eg litt igjen!

torsdag 16. juli 2015

Værsjuk (ein slags vekestart)

Eg har så lyst å vakne, kle på meg berre shorts og tskjorte og ete frukost i solveggen. Det har eg knapt fått gjort i sommar... klart det er andre ting som er fint i livet også, men eg lengtar etter sol, gjerne ein varm kveld eg kan sitte ute og lese og kjenne resten av solvarmen og knott som bit. Eg vil gjerne bruke bikini ein dag!
Tanken trur at sola skal komme automatisk når det blir ferie. Erfaring frå mange sommarferiar på Vestlandet burde ha lært meg at slik er det ikkje! Eg har hatt ferier med sol og ferier med ullgenser og stillings. .. årets er mest mot det siste. Og det er jo andre ting som er bra. Familie, vener, natur, fri og late morgonar.  To kopper med te før noko anna skjer. Lese på senga til litt for seint. Tid til å treffe folk ein sjelden ser.
Igår kom vi oss ut på tur. Det regna litt, skodd dreiv rundt oss, etterkvart regna det meir, til slutt pøsregna det og då vi kom til parkeringsplassen såg vi ikkje tvers over den... Myra og stien vart meir og meir vasstrukken.
Men vi var ute, vi hadde varme klær og gode sko, mat og vi var saman!
Herjevatnet og eit fjell med skodde

Store bekkar

Langbeinte soner gjekk fortare enn mora

Eg veit det skal vere fjell her ein stad, mange fjell!

Parkeringsplass i skodde...

Det kan passe med eit dikt om myrull, livet og pusten.


SUS I MYRULL
av Hans Børli
Livet er ikke alltid
et hesblesende kappløp med døden.
Livet er ikke bare
titusen strevsomme steg
mot smpå mål.
Nei, livet er rikt nok til
å være bare sus i myrull – -
Livet er rikt nok til
å glemme timene og brødet
og døden.
Men alle dissse flittige -
med lønningsposer og armbåndsur
og spisestue i lys bjørk … ?
De er så gjerrige på minuttene.
Ropet fra hjertene drukner
i larmen av stempler og stål.
Men myrull suser i sønnavind
den enkle sangen
som hjertene minnes i maskinhallene.
Og ensomme fugler 
seiler i sol,
seiler i sol og skriker —


Det blir nok sol ein dag. Det regnar igjen idag. Kanskje i morgon?
Ha ei fin veke.
(Snart skal eg byrde å blogge litt meir regelmessig igjen!)

tirsdag 7. juli 2015

Ferietider både i kropp og sinn

Det er ferietider. Det fører til at bloggen, og nettet generelt, seglar sin eigen sjø! Eg har ikkje opna    mac´n på over ei veke, eg har ikkje lese andre sine bloggar, eg har gløymt vekestart på eigen blogg. Eg har vore like i nærleiken av "Mannen"(Du kan halde deg orientert her) og hadde nok fått det med meg om den datt, men ikkje via nettet!
Kva har eg så gjort på? Kva er det som har teke tida mi så mykje at eg har gløymt bloggen(heldigvis)?

  • vi har vore på slektsstevne etter svigermor sin farmor og farfar. Dei hadde 8 barn, og det var ein stor flokk som var samla. Natulegvis kunne ikkje alle, ikkje kjenner eg alle som kom, men det er ei god sjanse til å treffe folk ein sjeldan ser! Eg møtte for eksempel tremenning til mannen, som eg studerte saman med for over 20 år sidan! Vi var på konfeksjonsmuseum og åt graut på garden der forfedrane hadde budd.(Å servere rømmegraut til 130 stk er ganske imponerande!) Det var tid til å prate og tid til underhaldning. Det er skrive slektsbok, og den treng eg god tid til å fordøye, for der er det mykje spennande å lese. Været var heilt topp og Romsdalsfjella viste seg frå si beste side!
    Frå kyrkja
    Frå museet

    Trur vi ser Bispen her
  • vi har vore saman med mannen sine søsken og deira barn. Kos og kaos! 4.juli-feiring, grilling, tur på setra, tur på Rampestreken (luftig!! Eg gjekk ikkje heilt fram på kanten, eg fekk nok utsikt lell) Mannen (min, ikkje fjellet)og junior gjekk vidare over Romsdalseggen, det er ei oppleving eg unner dei, og som ikkje passar min høgdeskrekk! Vassing i kaldt vatn. Mat inne og ute. Fullt hus og jubel det meste av tida.
  • Friskt i tangen!

    Hest på setra

    På tur til Rampestreken. Bratt nok!

  • eg har for første gong som sjåfør ligge på hjul etter ambulanse(det høyrest meir dramatisk ut enn det var, men i eit fergefylke er det greit å henge på, så ein blir med same ferge) Mamma vart sjuk, det var dramatisk nok, og ikkje så artig. Men med god hjelp er ho på betringens veg! I løpet av kort tid hadde vi innom 3 sjukepleiarar, 2 legar, 2 bioingeniører, 1 anestesisjukepleiar og 2 radiografar. Litt rart å sitte inne på isolat samen med henne og berre måtte vente. Eg fekk bruk for bioingeniørfaget og for tålmodet. Og gult er kult! 
    Den gule smittefrakken matchet skoa

    Tomatsuppe til den som ventar på lege, sjukepleiar etc...
  • eg har gått tur på stien heilt åleine, saman med mygg og fluer og høyrt saubjeller og fossedur. Ryggen trivst best utanfor veg og asfalt, så eg har leita etter kupert terreng!
    Solnedgang med Molde i det fjerne.
    Knallfarger i skogen!
  • eg har ete kaker og is og jordbær og sjokolade.
  • drukke litervis med pepsi max.
  • lese gode og mindre gode bøker. Eg får ta ei oppsummering etter ferien. 
  • klødd på myggstikk.
  • sett solnedgangen


    Solnedgang
Og som alltid, noko av det beste er å kome heim, når det er sommar og sol og varmt, sette seg på sin eigen terrasse, lese gamle aviser og berre vere! Men ferien er ikkje over, og bloggen skal ignorerast vidare framover!