2.søndag i advent/ desemberutfordring

Så er det søndag igjen, og eg skal følge opp vidare "Desemberutfordringa" frå Lammelårtanker:

søndag, 4.12: Del et julegavetips til en fireåring, til en tiåring, til en fjortenåring og til en sekstiåring
Eg har faktisk ein av alle desse på julegåvelista mi i år, slik går det når ein er tante til 18 stk, med eigne og medgifts-nieser og nevøar (det skal seiast at nokre har vorte så store at dei har falle ut av lista) og storesøster er 60 år.  Men eg trur ikkje eg treng seie spoiler-alarm, eg skal ikkje røpe gåvene!

4-årignen er kanskje den enklaste! Enno er jula og gåvene så stort at det meste gleder :) Inga blasert innstilling der i garden! Eg foreslår bøker, feks Karsten og Petra. Men på ein god bokhandel er det alltid folk å spørje. Lego og puslespel er fint, men eg må innrømme at den fornuftige, kjedelege tanta har slått til eit par gonger og kjøpt både pysj og ullklær.

10-åring veit ofte kva han/ho ønskjer seg. Det kan vere bokseriar, dataspel og slikt. Eg går for bøker også her. Faktabøker kan slå an, kokebøker er fint. Dusjsåpe og toalettsåpe. Men den fornuftige, kjedelege tanta har nok vore på ferde her også ein og annan gong...

14-åringen er vanskeleg. Dei veit kva dei ønskjer seg, det er ofte dyrt. Men som over, bøker! Eller verktøysett, til gutar og jenter, det skal skiftast slange på sykkelen og det skal skruast av deksel på
pc´n. Gåvekort prøvar eg unngå, men har nok endt med det eit par gonger. Dujsåpe, deodorant, toalettmappe.

60-åringen har ofte det meste frå før(det har dei på 48 også...) Men ei gåve som kan brukast opp er bra! Såper, kremar, for ikkje å snakke om lys og serviettar. God te, kaffe. Eg har gitt bort mykje sjølvprodusert; syltetøy, kjeks, knekkebrød, konfekt. Berre fantasien sett grenser! Ei fin eske med ein god ost med heimelaga kjeks og marmelade? Då ville eg blitt glad. Eit glas sursild?

Dette kjentest mykje enklare enn når eg står svett i butikken og ikkje kjem på ei einaste gåve!