tirsdag 23. juni 2015

Granskotsirup

Eg har sett bider og oppskrifter både her og der, og har tenkt at jammen skal eg lage granskotsirup ein dag. Det er jo berre å plukke granskot. Det er berre det at sjølv om eg ofte er i skogen, så gløymer eg å ta med noko å plukke i. Det er jo på ein måte ikkje stor fare for å finne verken moden multe eller tyttebær enno… Men ein dag klarte eg få med meg ein pose, og plukka litt her og der og plutseleg var posen full. Ca 1 liter granskot er vel bra?! Små er dei og, og eg syns ikkje eg kunne plukke reint eitt tre, så eg tusla rundt og plukka frå eit tre her og eit tre der.
Fine og lysegrønne

Vel heime fann eg fram oppskrift frå NRK og sette igang.
Eg renska fangsten, slik at det berre var igjen dei friske, lysegrønne skota.
Eg slo på vatn til det så vidt dekte, og sette til kok under lokk i vel ein halv time.
Det kokar sakte, og luktar juletre!
Etter koking, sila eg frå safta og kasta skota, som no ikkje hadde særleg frisk farge lenger.
Safta målte eg opp og blanda med sirup(3 deler saft, 2 deler sukker) og sette til kok(utan lokk) igjen. Det putra ca ein halv time, og vart tjukkare og tjukkare.
Gylden og fin!

Det feridige resultatet hadde ikkje den samme raudfarga som oppskrifta sa, men gylden og tjukk vart den. Vi testa den til Brie på nystekt eltefritt brød på søndag, med besøk ute på terrassen. Alt ville vel smakt godt i sola som omsider kom fram og varma oss, men eg kosa meg med maten! Vel verdt å prøve ein annan gong også, og då må eg ha meir granskot. For 1 liter skot ga omtrent 1 dl sirup!



Husmorpoeng? Jatakk!

3 kommentarer:

  1. Mange husmorpoeng!
    Jeg tror jeg kokte min i nærmere en time, og den ble som sagt ganske mye rødere. :)

    Det skal visst være bra mot vond hals og hoste, så det er kanskje en ide å bruke i te hvis man er litt ruskete i halsen?

    SvarSlett
    Svar
    1. Jeg må prøve igjen, bare huske å ta med noe å plukke i:) Og sirup i te høres ut som ett godt tips!

      Slett
  2. Dette må jeg teste en gang! Takk for tips - og kos deg med god sirup på brødskiva, og litt i teen :)

    SvarSlett