søndag 6. november 2016

Vekestart veke 45

Eg har fleire innlegg i hodet, tankar om kva eg skal skrive og slikt. Eg tenkjer særleg godt når eg går på tur, men eg har ikkje med skrivesaker og nokre av dei særdeles gode formuleringane blir vekk før eg kjem heim. Så du må nok ta til takke med eit dikt, litt strøtankar og ein del bilder frå dagens tur i fantastisk fint, og kaldt, tidleg-vinter-vær.

I morgon skal eg for andre gong denne veke her vere profesjonell pasient. Audiografutdanninga trong nokon frivillege med hørselstap, som kunne bli intervjua for at studentane skulle lære seg å snakke med pasientar. Sidan eg jobbar i samme huset, kostar det meg lite å bruke eit par timar på dette, og det gir også litt minner tilbake til eiga bioingeniørstudietid, og nervar i møte med ekte pasientar!

Vi har pakka båten inn i vinterfrakken, det var friskt og kaldt ved sjøen igår! Men utruleg kva ull, ull, ull, boblebukse og dunjakke gjer. Og det å kome heim til vedomnen!

Påkledning av båt

Godt kledd og skodd!


Snøen kom denne veka, det har vorte så lyst og fint! Altfor lite snø til ski, og ikkje veit eg om eg klarer gå på ski i år heller, men piggsko og gåstavar er supert følge. (og det er mange med piggsko og stavar som ser rett så spreke ut, og eg vel å indetifisere meg meir med dei, enn dei som går stivt og sakte med stavar...viktig med dei rette forbilda) Når været er som no, kan eg leve fint med snøen, det er verre når det blir slaps... Bilda er frå dagens søndagstur i Estenstadmarka.

.
Eg veit ikkje kvar haren hoppar, men eg veit kvar han hoppa forbi

Snødekt myr i novembersol

Mønster på isen



Men til deg som syns det er litt trist at det enno berre blir mørkare og mørkare, har eg eit dikt denne veka!

På jorden et sted

Tro ikke frosten som senker en fred
av sne i ditt hår.
Alltid er det på jorden et sted
tidlig vår.

Tro ikke på mørket når lyset går ned
i skumringens fang.
Alltid er det på jorden et sted
soloppgang.
     André Bjerke
Soloppgang i november

Håpar veke di blir lys og god!

2 kommentarer:

  1. Helt enig! Det gjelder å finne de rette folkene som forbilder.

    Kjenner det frister litt med pigger på skoene, for så glatt som det er nå er det umulig å gå med tempo. Det blir helst en form for stampegåing, men frisk luft er uansett bra.

    Ønsker deg en fin uke! Så bra at du stiller opp som pasient for studentene!

    SvarSlett
    Svar
    1. Eit godt par sko med piggar gjer det mykje lettare å komme seg ut på vinteren, iallfall for meg. HER er det ofte glatt og eg er så redd for å dette. Alederen kanskje?
      Artig å stille opp for studentar, dei treng hjelp og eg lærer litt nytt!

      Slett