søndag 3. august 2014

Laurdag, eller korleis mette 7 tenåringsgutar

Idag, altså ein laurdag i ferien med godt vær og god tid, fann eg ut at eg skulle gå for slow food. På butikken fann eg heil, rå kylling, og eg la planer om grilling. Min kvinnelege intuisjon, eller erfaring, gjorde at eg også kjøpte kyllingfiletar, bacon og loff.

Vel heime fyra eg på grillen, og det er inga lita bragd når ein er tom for tennvæske. Eg vaska kyllingen, fylte den med sitron og kvitlauk( det siste er forresten uoffisielt, sidan enkelte i husstanden ikkje likar kvitlauk) Så krydra eg den med ulikt eg fann, salt, peppar, røkt paprika, canynnepepar, chipotle etc, la den i form og sette på grillen. Fantastisk måte å lage mat på, eg sette på vaskemaskina, hengte opp klær,  låg på plena og las, samtidig som maten laga seg sjølv!!! Etter ein time la eg potet, gulrot, løk, (meir kvitlauk) og squash opp i forma og grilla vidare.

Yummi!

Så fekk eg melding frå eldste junior, som lurte på kor mange ekstra eg hadde mat til. Tja, kor langt rekk ein stor kylling? Og kor mange ekstra er det som kjem? Etter ei lita oppteljing kom dei fram til 2,5 ekstra! (2,5 er eit interessant tal; er det ein småspist person eller ein som berre skal vere med?) Sidan junior#2 hadde besøk av to kompisar, fann eg ut at dei måtte få tilbodet og, og dei takka pent og entusiastisk ja!

Heldigvis har eg vore ute ei sommarnatt før, og har kjøleskåpet og kjøkkenskåpane fyllt opp i tillfelle eit eller anna skulle skje! Så eg sette på ei gryte ris, kledde kyllingfilet med bacon, laga salat og pesto, skar opp loff og sette dei som var heime til å rydde spisebordet, for no var det svært truande skyer over oss. Kyllingen hadde no fått 2,5 timar på grillen(under lokk, og eg grillar på ekte kolgrill, ikkje gass) og poteten og grønsakene var møre. Eg gjekk ut i kjøkkenhagen og plukka sukkererter, det kjennes så fint å kunne ha sine eigne grønsaker, sjølv om det er litt midt i mellom no, med sneglespist salat, medan rødbetene og gulrota treng nokre veker til.

Klart til innrykk!


Slike tenåringar er ganske omtrentlege på tidspunkt og avtalar, men dei dukka opp litt etter litt.  Men dei kom omtrent samtidig med at regnet byrja hølje ned! Syns litt synd på han som kom ein halv time før dei andre og måtte tørrprate med gamlingane i huset…det viste seg at han var den halve, han skulle eigentleg ein annan stad å ete, men så langt kom han aldri. Så kom junior#1 med 2 til og det var fullt rundt bordet! Men det fine med ein slik middag, litt på sparket, men fullt rundt bordet, er at eg får møte og bli litt kjent med kompisane til juniorane mine. For det er ikkje som før at alle bur i nabolaget eller går i samme klasse, dei er frå heile byen, dei kjenner kvarandre gjennom felles interesser og via andre vener og aksjonsradiusen er stor!

Maten fall i smak, praten gjekk etterkvart lett og dette var det som var igjen :) Det er kjekt å ha fullt hus!  Trur menyen fall i smak, og eg skal passe på å ha rikeleg mat i hyllene, slik at eg kan ta i mot ein gjeng ein annan laurdag og!

Restar!?



4 kommentarer:

  1. Såg utruleg godt ut!
    Flott å kunne gjere slike stunt innimellom.

    God søndag :-)

    SvarSlett
    Svar
    1. Stunt er ordet! Og idag var vi 16 til kaffe, vart heilt tomt på bordet då også! :) Eg treng større augemål og større oppskrifter :)

      Slett
  2. Du er virkelig rutinert og klar for storinnrykk forstår jeg:) Det så veldig godt ut, og jeg tenker prøve å grille heil kylling etter å ha lest dette innlegget!

    Ha ei god ny uke, her sliter jeg med lakenskrekk og øyner en trøtt dag i morgen!
    Og du; tusen takk for at du er med og feirer 4 år hos meg - lykke til:)

    SvarSlett
    Svar
    1. Når man griller hel kylling eller store kjøttsrykker, gjelder det p ikke ha for høy varme, og bruke god tid. Kyllingen fikk ca 2,5 timer :) Har grillet svineribbe også, da har jeg brukt bortimot 4 timer.

      Slett