tirsdag 27. september 2022

Eg, ein influencer?

Då har eg altså vorte kontakta av ein journalist, på grunn av ting eg har skrive på bloggen!! Eg såg ikkje det komme, for eg er ikkje så aktiv med blogg. For så vidt var det bloggpost frå 2017… men eg står inne for det eg skriev. Eg skreiv om ungar som flyttar ut.
No har det gått 5 år sidan minstemann flytte. Det har vorte ny kvardag. Samtidig har dei budd heime i feriar, med sommarjobb, medan dei ventar på ny bustad, etter eit opphald i utlandet osv. Det har vore fint! Meir og meir tenkjer eg på det pappa brukte seie når vi reiste, etter ei helg eller ein ferie med ungar, turar, planer og mykje ståk: «det er kjekt når de kjem og kjekt når de reiser» Den nye kvardagen, med betre tid, ingen som skal kjørast, ingen som MÅ ha middag kan vere stille, men den har gode sider og. Eg kan lett sitte lenge på jobb, middagen tek vi enkelt, søndagsfrukosten, men egg og laurdagsaviser og NRK Klassisk har vorte vår gode stund. Det er ikkje så slitsomt om mannen er på jakt ei veke, eller må reise i jobben, det er berre emg sjølv å tenkte på.
Andre gonger er det veldig stille i huset. Det kunne gjort seg med nokon som ville presentere ny musikk, lage middag, ta ein diskusjon eller forklare noko (eller slå plena)
Samtidig, livet skjer! Og kva har skjedd dei siste åra? • 4 dødsfall i nær familie • 2 barndomsheimar å tømme • Vi har kjøpt seglbåt • Vi har kjøpt hytte (les gard) • Eg har mista jobb • Eg har fått ny jobb • Eg har vorte hageentusiast, og har 2 hagar… • Vi har starta i kor
Når så mykje skjer, er det i grunnen godt å ikkje ha små ungar som treng pass, oppfølging og aktivisering. Eg likar å ha tru eg veit kva dei driv med, bommar stadig der… Men eg veit den eine er i Bergen og at den eldste reiste til Wien i går og blir der til jul. Det hender dei svarer på medlingar, og dei ringer, meir eller mindre fast. Eg syns dei klarer seg godt i livet og verda. Noko er hardt arbeid i starten, noko er flaks og lukke! Intervjuet ligg her Det er veldig rart å lese kva eg sjølv seier… Det er stas på ein litt rar måte!

4 kommentarer:

  1. Artig å lese! Har du lenke til intervjuet? :)

    SvarSlett
  2. https://www.kk.no/mamma/vi-savnet-lyden-av-alle-kompisene-rundt-kjokkenbordet/77175673

    SvarSlett
    Svar
    1. Takk! Det var kjekt å lese! :)

      Slett
  3. Hej, jag heter NIRA SHALOM, jag är här för att sprida dessa goda nyheter till hela världen om hur jag fick tillbaka min ex-kärlek. Jag höll på att bli galen när min kärlek lämnade mig för en annan tjej förra månaden, men när jag träffar en vän som presenterar mig för Baba Wale da Wiseman, den stora budbäraren, berättade jag om mitt problem för Baba Wale om hur min ex-kärlek lämnade mig och även hur jag behövde få ett jobb i ett mycket stort företag. Han sa bara till mig att jag har kommit till rätt ställe där jag kommer att få mitt hjärtas önskan utan några biverkningar. Han berättade för mig vad jag behöver göra, efter att det var gjort, under de kommande 2 dagarna ringde min kärlek mig i telefon och sa förlåt för att jag levde innan nu och även under nästa vecka efter att min kärlek ringde mig att vara vädjande om förlåtelse blev jag kallad till intervju i mitt önskade företag där jag behövde arbeta som handledare. Jag är så glad och överväldigad att jag måste berätta detta för hela världen om hur Baba Wale hjälper mig att uppfylla mitt hjärtas önskan. Baba Wale är specialist på alla typer av trollformler och god magi. Om du behöver någon form av hjälp, kontakta Baba Wale på följande e-postadress: babawalewiseman01@gmail.com Whatsapp: +12544131991 Tack mig senare

    SvarSlett