mandag 31. desember 2012

Vekestart veke 1!

Nyttårsaften, romjul, idag kjem eit bilderas frå julepynt og stemning. Ute er det snø, det er glatt, smell og lys frå rakettar har allereie byrja rundt om i byen.



I kveld er det nyttårsfest med gamle vener, vi har til og frå feira i lag sidan ungane var små, no har vi ungar som er høgare enn sine foreldre. Det er spleiselag, og eg har laga fruktsalat og foccaciabrød og dadlar med bacon. Gler meg!



Huset er julepynta, det er kjekt, men fullt... Det krever sitt å halde orden og system med englehæren som svevar over heimen og fine dukar og blomster som treng vatn...


Juletreet er grønt, men det er nåler under treet... Slik blir det fort når ein pyntar og så reiser vekk og treet  måtte klare seg sjølv nokre dagar.


Vi et mykje frukt i jula, men det går med nokså mykje sjokolade også... Av den grunn kan eg ikkje vise bilete av den!

Godt nytt år til alle som les bloggen min! Håpar du vil følgje meg inn i 2013 også!

onsdag 26. desember 2012

vekestart 52

Eg ligg litt etter, men det var ikkje mykje rom for blogging i starten av jula!

Vi har hatt stor storfamiliejul med svigerfamilien, 20 store og små på lillejulaften, 16 på julaften og juledagene. Det er ein del logistikk med mat og dusjing og pakker og soving med ein slik gjeng samla. Kjekt,  men litt slitsomt. Ungane kosar seg, ein får litt ro og tid over samtalane, samtidig er det å lite sitte i sofaen og sjå i veggen.

Det var ribbe julaften, med alt tradisjonelt tilbehør. Det var kalkun med alt tilbehør på amerikansk måte 1.juledag, vi fekk saus og potetmos og søtpotet/godterimos og bønnecaseroll, stuffing etc, og pecanpai og applepai til dessert! Idag er det pinnekjøt, så eg trur eg treng fisk i morgon!

Idag har vi gått tur, det er ikkje så mykje snø her, så det vart på føtene. Men fint var det lell!




Dagens ord blir juleevangeliet, litt forsinka:
Jesus blir fødd 
2I dei dagane lét keisar Augustus lysa ut at det skulle takast manntal over heile verda.  2 Dette var første gongen dei tok manntal, og det hende medan Kvirinius var landshovding i Syria.  3 Då fór alle heim, kvar til sin by, og skulle skriva seg i manntalet.
   
  4 Også Josef drog då frå byen Nasaret i Galilea og opp til Judea, til Davidsbyen, som heiter Betlehem, for han høyrde til Davids hus og ætt  5 og skulle skriva seg der saman med Maria, som var lova bort til han. Ho venta då barn.  6 Og medan dei var der, kom tida då ho skulle føda,  7 og ho fekk son sin, den førstefødde. Ho sveipte han og la han i ei krubbe, for det var ikkje husrom for dei.
   
  8 Det var nokre gjetarar der i området som var ute på marka og heldt vakt over flokken sin om natta. 9 Med eitt stod ein Herrens engel framfor dei, og Herrens herlegdom lyste kringom dei. Då vart dei gripne av stor redsle. 10 Men engelen sa til dei: «Ver ikkje redde! Sjå, eg kjem til dykk med bod om ei stor glede, ei glede for heile folket: 11 I dag er det fødd dykk ein frelsar i Davids by. Han er Messias, Herren. 12 Og det skal de ha til teikn: De skal finna eit barn som er sveipt og ligg i ei krubbe.» 13 Brått var det ein stor himmelhær saman med engelen; dei lova Gud og song:
         
   
 14 «Ære vere Gud i det høgste,
          og fred på jorda
          blant menneske Gud har glede i!»
15 Då englane hadde fare attende til himmelen, sa gjetarane til kvarandre: «Lat oss gå inn til Betlehem og sjå dette som har hendt, det som Herren har kunngjort for oss.» 16 Så skunda dei seg dit og fann Maria og Josef og det vesle barnet som låg i krubba. 17 Då dei fekk sjå det, fortalde dei alt som hadde vorte sagt dei om dette barnet. 18 Alle som høyrde på, undra seg over det gjetarane fortalde. 19 Men Maria gøymde alt dette i hjartet sitt og grunda på det. 20 Og gjetarane vende attende. Dei lova og prisa Gud for alt dei hadde høyrt og sett; alt var slik som det var sagt dei. 

mandag 17. desember 2012

Vekestart veke 51

Akkurat no lurer eg litt på kvifor eg starta dette vekestart-styret!! (det var for å gje meg sjølv ei bloggoppgåve kvar veke, jada...) Men i denne søte førjulsstri, der nokon kvar kan bli stri, er det ikje så lett å rekke alt.

Stallen fylles opp, det er teikn på at det snart er jul


Englane til høgre insisterte på å bli med heim på laurdag, og det måtte dei få lov til! Meir sjarmerande enn desse skal det mykje til for å bli!














Det vart lussekattar denne veka
Gode vart dei og! (og borte) Og luciatoget mitt fulgte med.


"Æ tror det e enklar me jul for mæ enn for dæ", sa min eldste son idag, då eg hadde fortalt kva eg skulle bruke "fridagen"(eg var iallfall ikkje på jobb) min til. Eg starta dagen med å stå utanfor OBS! og vente på at dei skulle opne, saman med alle pensjonistane, det har eg aldri gjort før! Men det var verdt det, lite folk, lang liste og ganske fort ferdig. Så vidare med lista til eit kjøpesenter, der eg etterkvart unna meg litt kafeliv, og kunne krysse av punkt for punkt på lista. Til slutt heim, til mengder med reine klær som skulle brettast og fordelast.

Eg tek meg i å nynne litt på"vi hakke tid, for vi må..."
Eg har ikkje tid, for det er så mykje anna som kunne og kunne og burde vore gjort, og eg spring frå oppgåve til oppgåve.

Medan eg sukkar og skjær tenner, byrjar mannen synge på denne sangen...


Heksedans

Av Vidar Sandbeck

Og kjerringa hopper i serken sin og kaster seg rundt som en hvirvelvind.
For nå er det lemmer og liv om å gjøra med påsken og pinsen og jula for døra.
Ho fær over gølvet så fort ho vinn med pompen i været og knea inn,
for den som vil ligga litt føre sin neste han kan itte såvå når sola rinn.

Men tida er så altfor knapp, kan hende kjem ho for sent, for sent tel livets ende. 

Og kjerringa stamper i stua inn med kluter og koster og pusseskinn.
For nå er det lemmer og liv om å gjøra med påsken og pinsen og jula for døra.
Ho drev på i går tel ho nesten datt, men nå lyt a tørk over gølvet att,
for katta ho fly her med sølete labber og rakker tel huset hår enda natt.
Men tida osv.

Det kan itte seile sin egen sjø om ryggen blir rund som ett grislebrød.
For nå er det lemmer og liv om å gjøra med påsken og pinsen og jula for døra.
Og dagen den går i en kjerringdans med filler og såpe og møbelglans. Og når ho er ferdig da tar a det omatt og omatt og omatt foruten stans.
Men tida osv.

Og kjerringa roper åt gubben grå:Du får itte kom inn med skoa på
For her er det lemmer og liv om å gjøramed påsken og pinsen og jula for døra.
Og kjerringa rydder den sene kveld det gubben og onga har rote tel,
med tobakk og pipe og bøker og bilder og klosser og sneller og ludospell.
Men tida osv.

Og kjerringa vasker og gnir og gnur og aldri ho tar seg en løpartur.
For støtt er det lemmer og liv om å gjøra med påsken og pinsen og jula for døra.
Og gølvfilla går i en evig ring, nei, maken det fins itte her omkring,
så hvis at ho kjem i sin egen begravelse ville det bli tå de store ting!
Men tida er så altfor knapp, kan hende kjem ho for sent, for sent tel livets ende.


Eg kan ikkje skryte på meg så mykje vasking, da...men litt sant er det vel idet.

Men heldigvis var kvelden i dag avtala for lenge sidan, vi skulle på tradisjonell grautmiddag saman med gode vener, som har vore vener så lenge at det er bortkasta å prøve å gjere eit godt inntrykk lenger. Heldigvis! Det er berre å vere seg sjøl, slappe av og ta kvelden som den kjem! Full avslapping saman med vener er god medisin mot stressnakke.

I morgon er det jobb igjen, men no trur eg at det meste er under kontroll, iallfall gåvene, og uansett så kjem jula! Ha ein fin siste veke i advent!




torsdag 13. desember 2012

Realitetsblogging

Eg rekk ikkje alt eg drøymer om til jul! Eg blir sur og vanskeleg å ha med å gjere... Ei furie i huset!!! Arbeidet veks meg over hovudet, og kjennest heilt kritisk viktig....


Særleg fordi ikkje alle ser alt som er nøye i mine auger når eg spring avgarde på ei stressbølge av kaos! Det blir brått viktig å ha alle kakeslag i boks no, gåvene skal vere personlege, spesielle, ikkje for dyre, passe store og helst vore ferdig innkjøpt og pakka no, julebrevet burde(burde er eit grusomt ord, skulle vore fjerna frå språket!) vore sendt og kvifor har vi ikkje laga fikenmarmelade og sirupssnippar?!

Eg har ein klok mann som er flink å realitetsorientere meg, også igår, han vaska badet og eg fekk rydda litt. Han fortel kva som er viktig, og minner meg om det året han leverte ei stor oppgåve 21.desember og eg hadde betennelse i begge skuldrene, det vart jul det året og! Vi har begge full jobb, eit par tenåringar som treng nokon å snakke med og berre vere saman med. Vi treng å leve, snu ryggen til rotet! Det er berre så lett å gløyme...

Idag gjer eg difor noko heilt unødvendig i håp om at det senker skuldere og fokus endrar seg :)

Skal det vere så skal det vere, safran i dyre dommar!
Det er luciadagen og eg bakar lussekattar for første gong! Dei står til heving og når eg har køyrt junior på speletime, skal eg bake ut fine kattar og prestens hår osv. Eg skal senke skuldrene, puste med magen, ete lussekattar og høyre julemusikk!

Sidan ungane på mystisk vis har vorte så store, er det ikkje lenger verken luciatog i barnehagen eller lysfrukost på skulen lenger, så eg må greie meg med mitt eige luciatog i keramikk:

Eg kom på at eg hadde dei, og fekk dei fram seint i natt, slik at dei var klare då vi kom til frukost. Finaste Lucia med stjernegutt og terne!

Då er skuldrene lave for i kveld, men det spørs i morgon... Lett å gløyme!

mandag 10. desember 2012

I love your blog


Ok, engelsk på bloggen i dag, men det får gå for denne gong!

I går fekk eg denne fine bloggprisen frå Magefølelsen. Der skriv Heidi om mat for alle, men særleg allergimat, mat utan gluten, egg, mjølk osv. Eg kjenner Heidi frå "gamle dager" då kostholdet nok ikkje alltid var like gjennomtenkt, vi snakkar sjokolade til middag og høg kosefaktor :) Men vi har og delt husvære ein periode, og tok grep og åt fruktsalat til frukost og bakte riktig så grove grovbrød.

No er vet min tur å anbefale 5 bloggar eg likar og les regelmessig.

Eg startar med diamantisen. Diamantisen har eg vorte litt kjent med via Twitter. Ho kjem frå Norge, men bur i Hellas, og skriv mellom anna om kvardagsliv, natur og mat. Kikk innom! 

Neste blogg er Eva Cathrin - helt meg . Også Eva har eg møtt via Twitter, der er det mange fine folk! Eva skriv om dagsaktuelle tema og legg ut dei mest fabelaktige bilete!!

Eg får av og til spørsmål om eg ikkje syns det er problematisk å blogge på nynorsk... Nei, det syns eg ikkje, det er hjertespråket mitt, og eg har gode forbileter som har blogga på nynorsk lenge! Eg vil anbefale to: Den gode feen, som skriv mykje om interiør og om kreativitet, til inspirasjon for alle, og Tankar frå ein kvardag som skriv mykje om nettopp det, men og om livet og refleksjonar rundt det.

Siste blogg ut er Amelie 78. Ho skriv refleksjonar rundt livet, om jobb og om morsrolla. Ein klok blogg!

Med bloggprisen følger disse oppgavene:
1) Takke og linke til bloggeren man har fått awarden fra.
2) Gi utmerkelsen videre til fem blogger og gjøre dem oppmerksom på det.
3) Kopiere post it lappen og sette den på bloggen.
Det skal sendes til kanskje en ny blogg eller en blogg som ikke har så mange følgere ennå.

søndag 9. desember 2012

Vekestart veke 50

Tida går, folk byrjar snakke om nyttår og eg som knapt har kjøpt ei julegåve...

Soloppgang i Molde 9/12-12
Det gjeld å halde seg kald og roleg, iallfall på overflata og halde seg til lister og planer og jobbe jamnt og trutt! Alt ordnar seg for snill piker, er det ikkje slik?

Vi har vore på vennejulebord i helga, med mannsoktetten Tucas som har sitt årlege jubileum, i år 21 år! Sidan dei er spredd litt rundt om i MidtNorge, er den einaste gongen i året dei syng på eigen jubileumsfest :) Damene  er heiagjeng, supporterar og kritikarar av reportoaret! Utpå kvelden blir gjerne vi med også, iår på White Christmas, på nynorsk, firstemt! Kvelden var elles prega av latter, mat og mimring.

Idag treng eg difor ein venskapstekst, og valet fall på denne: 

Auld Lang Syne

Skal gamalt venskap kverva bort
Og ikkje setja far
Skal gamalt venskap kverva bort
Og det som ein gong var

Ref:
For det som ein gong var, min ven,
For det som ein gong var,
Eg drikk den gode skål med deg,
For det som ein gong var !

Du tek ditt staup og eg tek mitt
Som gamle vener plar.
Me drikk den gode skål i lag
For det som ein gong var

Refreng:

Kom, ta mi hand, min trugne ven
Og gjev meg di til svar
Eg byter vin og glas med deg
For det som ein gong var

Refreng:

Dette er eigentleg ein skotsk sang;Auld Lang Syne, dikta av Robert Burns, den er oversett til norsk av Hartvig Kiran. 

Eg har forresten fått skryt og hederleg omtale på bloggen Magefølelsen , det er stas, så i morgon får eg prøve å svare på utfordringa!

Ha ei super veke med fokus på adventskos og ikkje førjulsstress!

fredag 7. desember 2012

Venner for livet!

I går var eg i Oslo på eit møte. Det var opp på før fuglane hadde brusa med fjøra, det var kaldt og mørkt ute, då eg venta på flybussen kl halv seks var det ikkje mange som var ute og gjekk.
Møtet eg var på var bra, lærerikt og vi fekk tid til å diskutere. Eg veit no mykje meir om svinesjukdommar enn før, og kva eg skal leite etter. Smalt fagfelt, ja, men nokon må kunne noko om det og :)

Etter jobb traff eg ei venninne frå studietida, for første gong på lenge, vi fann ut at vi ikkje har sett kvarandre på fire og eit halvt år. Men det er nokon venskap som heldigvis tåler det og! Praten gjekk frå første stund, vi oppdaterte kvarandre litt på trivialiteter, barn og hus og heim og gamle foreldre, men etterkvart snakka vi, altså slik vi gjorde før, om livet, om tankar og fortid og framtid. Det gjer så godt med slike møter!
Vi har naulegvis forhistoria som ein solid grunnmur; vi veit kva papir som er best når ein skal gråte ut kjærleikssorg, vi har kome med synspunkt på klær og sko, vi har fnisa oss forbi kjekke og mindre kjekke menn. Vi hadde kulturklubb saman, og brukte den som grunn då vi gjekk på kino og såg "Pretty woman" og "Da han møtte henne", vi trong den ikkje då vi såg "Babettes gjestebud". Vi har anbefalt bøker og diskutert store og små problem. Det var ho som fekk meg til å smake svarte oliven første gong(eg trudde det var blå druer...) og avocado, kort sagt vi har delt mykje!
Å treffes igjen var balsam for sjela!

Eg har ikkje spurt om lov til å legge ut bilete av mi gode venninne, så de får klare dykk med eit bilete av meg frå tidleg  90-tal, på eit hotell i Berlin. Strålande humør!(og eg klarer ikkje snu biletet rett...)

I helga skal eg på "julebord" og treffe endå fleire fine folk, folk eg har kjent i over 20 år, enkelte over 30 år. Dei tilhøyrer kjernen i livet mitt, nokre treffer eg jamnt, andre berre denne eine gong i året. Eg er ikkje så flink til å halde jamn kontakt, så faste ting som julebord ein god ting! Gler meg!

tirsdag 4. desember 2012

Berlinerkransnostalgi

Plutseleg hadde eg litt tid, og då vart det baking av berlinerkransar. Eg brukar samme oppskrifta kvart år, ikkje noko fiksfaks, eg held meg strengt til oppskrifta og passar på at dei ikkje blir for mykje stekt, dei skal vere gyldne og smelte på tunga....mmmm!
Oppskrifta finn du feks her;
Tine sine berlinerkranser

Vi brukte ikkje ha berlinerkransar heime då eg var lita, men Gudrun-nabo måtte ha det for at det skulle bli jul. Eg var gjerne med på kjøkkenet hennar, og fekk med smaksprøver heim. Gudrun hadde mange teoriar om baking; vart ikkje brøda som dei skulle, kunne det vere at ho hadde baka på fallande måne eller før det var flo. Alle veit jo at det ikkje blir bra då! Eg brukar gjerne den grunnen sjølv...
Men sjølv om berlinerkransar ikkje skal heve akkurat, så er det mykje som kan gå litt på skeive, deigen heng ikkje godt saman, deigen blir for varm etc, så eg forsto tidleg at berlinerkransar ikkje var for pyser!  Desto tøffare kjenner eg meg når eg bakar dei, og får godt resultat!

 Gyldne, sprø, skjøre kaker, smeltar på tunga....
Den mest nostalgiske kakeboksen eg har, minner om ein Gudrun hadde, full av kaker. Dei må vel leggast på ein lur stad for å vare til jul :)
Det står meir om Gudrun her; Te-plis

Eg kjenner på at desember er kort iår, men det er mogeleg at den er omtrent som før? Igår fekk eg endeleg opp adventskalenderen, det var jo berre 3.desember... Eg ligg skikkeleg bakpå med julegåver, og alt frå mørkeloftet står framlei på stova. Men i morgon skal det opp på oftet igjen!!!

Som barn derimot, var desember endelaust lang. Vi hadde kalender, ikkje meir hemmeleg innhald enn at eg var med på å pakke inn seigmenn og sjokoladebitar. Når den var klar, var ikkje julaften å skimte i det fjerne ein gong...sukk!
Heime hos oss var det tradisjon at dersom det skulle pussast opp, skulle det vere ferdig til jul, og då gjeld det å ikkje starte for tidleg. Den store adventskosen blir det ikkje på den måten...men samtidig var det slik det brukte vere. Det var alltid litt kaos rett før julefreden senka seg. Eg meiner bestemt at vegg-til-vegg-teppet som vart lagt i 1978, ikkje var på plass før 22.desember, og vi har fine bilete frå stova i 1992, utan bilder, knapt lamper, men nytapetsert! Ikkje rart eg har mørkeloftet på stova, og for to år sidan knapt hadde kjøkken til jul, både arv og miljø!

Eg skal ein annan dag innvie dykk i rensking av oljekamin lillejulaften og fullt hus julaften formiddag...


søndag 2. desember 2012

Vekestart veke 49

I dag er det 1. søndag i advent og 2. desember, eg har fått opp stjerna og vi har tent adventslys, men adventskalenderen er ikkje på nokon måte klar. Den heng oppe, men heilt tom. Spørs om eg må gjere noko med det i kveld....




Eg har dessutan sett fram julekrybba, det brukte vi gjere då ungane var små og då fann vi fram ein figur kvar dag. Eg likar gjere det no og, men det hender eg gløymer det nokre dagar...men enno er desember ny og eg heng med. Igår kom ein engel for å sjekke at stallen var der og i dag kom eit lite lam.



Sidan mamma og pappa er i byen for tida, vart det storfamilieadventssøndag idag. Først var vi 11 til middag, og med påfyll vart vi 18 til kaffe. Spredd over 4 generasjonar frå 10 mnd til nesten 83 år. Det blir kaos, rot, ganske høglytt og enkelte aldersgrupper går lei heile familiestyret etterkvart. Heldigvis har vi to stover, men det ender alltid med at vi stort sett er i samme rom! Kaffebordet var fullt og spennande. Gutta hadde bakt ostekake med browniesbotn og bringebærkrem, eg laga adventskrans av gjærdeig, mamma hadde med tjukklefse og vi lei inga overhengande nød. No har oppvaskmaskina gjort ferdig dagens 3.runde og både kjøkken og stova byrjar sjå ut som seg sjølv igjen. Godt det ikkje er slik kvar dag, men det var vel familiejuleselskapet for i år.


Vekas gode ord er igjen Ragnar Hovland sine. Eg syns dei passar i julestri og kjas :)

Mor. Huset.

Mor går ut av huset.
Huset går etter henne
og gnir seg
oppetter beina hennar.
-No får du gå heim, då,
seier mor og smiler.

Ragnar Hovland


Ha ei strålande veke! Eg planlegg å skrive litt om barndoms advent og å måtte vente på noko som skal kome, om grusomt lenge, kanskje over 20 dagar... sukk! Det blir ein annan  dag.

fredag 30. november 2012

Novemberoppsummering

Etter å ha gått høgt, breitt og hardt ut, får eg vel oppsummere november no. Korleis har det gått?
Eg syns ikkje november har vore så lang i år, det kan ha flerie grunnar enn mine gode forsett naturlegvis, men eg trur mitt ønskje om å finne november har hjelpt meg.

Kva har eg gjort?

  • Vi har laga eplekake, kanelsnurrar og cupcakes, det hadde vi kanskje gjort elles og, men no veit eg at eg har ete eplekake av sure eple frå heimstaden min, og den var god! Og når ein lagar slikt, er det kjekt å invitere gjestar, så det gjorde vi!
  • Eg har ikkje tent så mange lys inne, men eg har brukt lyslyktene ute kvar gong eg har venta besøk. Det er kjekt å kome ein stad der det lyser!
  • Eg har hatt sykveld, vi sydde og prata og åt klementin. Vi lærte av kvarandre, vi skratta og vi sydde på nytt når det vart feil. Og det vart det, for alle...
  • Eg har ikkje høyrt på P3, eg har halde meg til det kjente, eg har ikkje høyrt mykje musikk, men eg har lese masse. No er eg igang med "Kafka på strande" av Haruki Murakami.
  • Lange turar i mørket har det ikkje vorte, uviss grunn... Men eg har gått kveldstur med mannen og ein søndag gjekk jammen heile familien søndagstur i marka!
  • Eg har nesten ikkje kjøpt julegåver, det må eg vel snart starte med... 

Eg har ikkje tatt fram julemusikken, men i morgon :) då skal eg fram med lett og enkel musikk, så kjem den "tunge" musikken etterkvart som vi nærmar oss jula.
Eg har ikkje ete julemat, ikkje kjøpt marsipan, men må tilstå at i går kjøpte eg pepparkaker....

Og i dag har eg ete "mugne menn" av restane frå i går:

Pepparkaker med blåmuggost(idag Blå Selbu) er nesten det beste som finst! Det er noko med kryddersmaken og det skarpe i osten! Med litt fikenmarmelade ville det kanskje vorte endå betre? Eg må føre fikenmarmelade på "to-do" lista.

I morgon startar desember, eg har ikkje klar adventskalenderen, men har kjøpt litt som skal pakkast inn. Eg har etter mykje leiting funne posen med adventspynt, og testa at eg har lys i stjerna, så den skal opp i morgon. Adventsstaken er klar, med lilla lys og granbar.
Eg har kjøpt safran, så kanskje blir det lussekattar til Luciadagen?

Søndag skal vi ha gjestar, då har eg lyst å lage adventskrans av gjærdeig. Vi får sjå kva eg rekk, i morgon er det jobb, julemesse og julebord.

tirsdag 27. november 2012

Note to self rett før advent

Det er sofadag idag og, men formen er litt betre, junior les høgt frå reklamen og funderar over alt vi ikkje viste vi trong! Eg snyt meg og hostar og tenkjer litt på alt eg ikkje orkar... Men no skal eg lage eit lite adventsnotat til eg er frisk og rask igjen!

  • kjøp safran(eg har aldri, nokonsinne, laga lussekattar, men her eg ligg på sofaen med feber står det heilt klart for meg at i år er året å starte nye tradisjonar! Eg kan dessutan samtidig pynte med luciafigurane eg kjøpte meg i fjor)
  • adventskalendergåver. No når ungane er så store, prøvar eg kvart år å feide ut kalederen. Men det feilar kvart år :) Ungane seier det ikkje er så viktig lenger, dei kan godt ha sjokoladekalender eller ingen kalender. Men mannen syns det høyrest så trist ut, og eg har jo tross alt laga ein flott kalender... Så tradisjonen tru, det blir lang kveld 30.desember med å pakke inn ymse småting(og her er det snakk om mykje snop og strømper, for kva iallverda skal ein finne på til halvvaksne gutar når det ikkje skal koste så mykje?!) Men eg skal vere litt hard iår, det blir berre ei pakke pr dag.
  • Eg har kjøpt lilla lys og skal, når eg blir frisk, ut på leiting etter adventspynten. Sidan vi har tømt mørkeloftet, står kassene litt her og der, og kvar står adventspynten? Nokre ting skal fram til 1.desember, feks den STORE stjerna til å henge i vindauet og lilla glaskuler som skal ligge på lysbrettet. 
  • adventskalender på bloggen? Eg har lyst å skrive litt kvar dag, gjerne med eit tema(julepynt, primstaven, julemusikk, viktig med ambisjonar!)men sjølv om eg sitt i sofaen i dag, gjer eg vel ikkje det kvar dag framover, så ambisjonane må vel senkast :)
  • I dagens reklame reklamerer alle for den beste pepparkakedeigen. Eg har ei bekjenning å kome med: Eg har aldri kjøpt ferdig papparkakedeig! Eg var faktisk ikkje klar over at det var lov for husmødre! (obs! ironi!) Så eg lagar vel deigen sjøl i år og, og vi lagar vel papparkakehus, sjølv om eg har vakse frå kor viktig det er. 
  • Smørkrise! Det er meldt smørkrise iår igjen, men eg har 250 gr smør på lur til berlinerkransane! Ha! Eg har aldri vore spesielt opptatt av smør til jul, før eg var teke av smørbølga ifjor. Då oppdaga eg at berlinerkransane(som er den nesten viktigaste kaka) var mykje betre med smør enn margarin, så no har eg sikra meg.

Ser at tradisjonar styrer kva eg har på lista.. Får vel sove litt på det, tenkjer eg.

mandag 26. november 2012

Vekestart 48


Oi, ny veke, igjen! 
Eg er "syk og svak", alt går sakte, det er sofaliv, soving, hoste og snørr. Eg ser på vindauga som skulle vore vaska, ser det tydeleg når den lave novembersola kjem fram! Eg skulle vore på jobb, og lært nye ting og rett og slett gjort jobben min! Eg har ikkje lyst å ha vondt i halsen og berre sjå på alt som kunne vore gjort. Prøvar skrive lister, slik at eg kanskje huskar det når eg er frisk(for ofte forsvinn arbeidslysta og synet for kva som skulle vore gjort når kvardagen er vanleg att) Eldste junior er også heime, tett i pappen og sliten, ikkje mykje bråk på han heller!

Nok sutring! På laurdagskvelden var vi i thanksgivingselskap, det var kaldt og klart vær då vi gjekk heim utpå natta. Månen var ikkje full, men den lyste sterkt ned på oss. 


Månen

Månen ber meg
skrive eit dikt om han,
men eg seier at det
gidd eg verkeleg ikkje,
og han kan først ta og lese
alle dei andre dikta
som er skrivne om månen
så tenkjer eg
han skal få nok å gjere
denne natta iallfall.

Ragnar Hovland


Eg har akkurat lese "Ei vinterreise" av Ragnar Hovland. Underfundig, som diktet over. godt skrive på nynorsk, og stillferdig. Om menn midt i livet, som ikkje veit vegen vidare. Ei bok eg kan anbefale! 



Må ta med ein månetekst til:

I dag såg eg tvo månar, ein ny og ein gamal. 
Eg har stor tru på nymånen. 
Men det er vel den gamle.
Olav H. Hauge

Radioteateret har sendt opplesing av dagbøkene til Olav H. Hauge, mogeleg eg er sær, men slikt likar eg å høyre på! 
Ha ei fin veke!

torsdag 22. november 2012

Tradisjonar

Eg held meg ganske hard, og har ikkje jul i november. Eg kjenner at advent nærmar seg, og då skal eg prøvesmake julebrus, pepparkaker og marsipan. Det har ikkje kosta all verden av viljestyrke å unngå julemat og julegodter, fordi det har vore så mykje godt å ete lell. Eg har rett nok starta på julegåvene, treng litt tid til det når vi tilsaman har 17 nieser og nevøar, 6 søsken med ektefeller, 4 foreldre og oss sjølve å finne noko til! Vi driv og snakkar om adventskalender, skal/skal ikkje? Skal vi, må eg snart byrje å tenkje på kva den skal innehalde. Eg har kjøpt lilla lys, og lurer litt på om eg vil finne igjen adventspynten, for kvar la eg eigentleg den?! Adventsdukane veit eg iallfall kvar er, etter å ha brukt heile desember på å leite etter dei eit anna år.

I dag er det Thanks giving, og på laurdag er vi invitert til ein nabo på kalkun med alt tilbehør og skal feire thanks giving. Dei har gjort det til ein tradisjon å invitere naboar på fest denne helga, det er så kjekt! Gode naboskap er vel verdt å feire!

Men enkelte ting må gjerast i november for å kunne nytast i desember! I år har eg ikkje salta og tørka eige pinnekjøt eller fenalår(nokre år rekk eg det, andre ikkje...) Eg har ikkje laga sauerull heller, men plana er å lage enkel grisesylte etterkvart.  Men utan fruktkake blir det nesten ikkje jul hos oss!
Då vi starta feire jul for oss sjølv for 13 år sidan måtte vi finne noko som var vårt, og ikkje berre var noko vi hadde med oss. Eg fann oppskrift på ei fruktkake som har fulgt oss sidan, enten vi er heime eller borte. Den må lagast i god tid og så få ligge og godgjere seg, men ein liten prøvesmak blir det når den er heilt fersk :) Då ungane var små, innførte vi at lillejulaften, når det meste var under kontroll og roa senka seg(ungane var i seng, altså) fekk vi fruktkake og julehefter. Begge er vant med at julehefta først kjem fram etter middag julaften, medan ein ventar på pakkene, men vi gjorde ein vri -som har halde seg! Vi gjer det alltid slik når vi er heime hos oss sjølve, men vi kan ikkje vente til ungane er i seng lenger!

Oppskrifta er ikkje hemmeleg; den kjem her:

Engelsk fruktkake





350 gr blanda nøttekjerner (feks valnøtter, hasselnøtter, mandler, paranøtter)
150 gr tørka dadler
150 gr tørka fiken
100 gr hakka sukat
50 gr røde coctailbær
150 gr rosiner
100 gr mel
1 ts bakepulver
1/4 ts havsalt
150 gr sukker
3 store egg

Smør ei brødform(ca 1 liter) Bland de 6 første ingrediensene, bland inn mel, sukker, bakepulver og salt. Bland godt og rør inn eggene. Fyll i forma. Steik i ca 80 min ved 160 gr.

Og ja, oppskrifta er heilt rett, det skal kun vere 100 gr mjøl, det er mykje sukker og det vil ikkje sjå ut som om dette heng saman, men det gjer det! Når kaka er avkjølt, pakkar eg den i aluminiumsfolie og legg kjølig fram mot jul. Denne kaka egnar seg godt som julegåve, planlegg eg det lagar eg dobbel porsjon.

søndag 18. november 2012

Vekestart 47

Idet eg skriv 47 høyrer eg alle vaksne si røyst seie "veke 47?! Tida går så fort at eg knapt heng med!" Og eg høyrer det er mi eiga stemme som seier det... Jaja, livets gang etc. Eg kjende meg vaksen før idag også, då eg inviterte til søndagskaffe! Eg drikk ikkje kaffe, då men, eg serverte til gjestane og hadde heimebakte kaker og kanelsnurrar og det verka svært vakse å gjere noko slikt :)

Elles har vi gått tur i marka idag, med fjortenåringen som kjentmann. Det blir sjeldan rett fram...men kanskje blir turen meir interessant på den måten? Han tok oss med på nokre av dei fine sykkelstiane "sine", og mor tenkjer det er godt med alt ein ikkje veit. Men idag var det fottur i sol og snø og gjørme og is og igrunnen ikkje så godt føre, men triveleg selskap gjer turen fin lell.

Vekas ord er Odd Børretzen sine, frå plata "Syv sørgelige sanger og tre triste"
Børretzen er ein av mine favorittar, med lun stemme, satirisk, krass og underfundig, sjøl om eg ikkje alltid er einig i konklusjonane hans.
Sangen "Paradise bay" får iallfall ein ekstra dimensjon no når han er dø. Les og høyr for deg stemma!


PARADISE BAY

Jeg skal ut og seile, bror.
Sånn som hundre ganger før. Jeg tror jeg har fått alt om bord; brød og vin og Visakort,
røyk og øl og smør.
Jeg har gjort det før, min venn. Og nå drar jeg ut igjen.


Jeg lette sikkert etter no ́ en gang for lenge siden, noe eventyrlig som var gjemt.
Men hva det var jeg lette etter, har jeg faktisk glemt. Jeg har seilt i ferskt og saltet vann.

Jeg har drukket meg fra land til land.
Jeg har vært der pepper ́n gror, min bror. Nå drar jeg ut igjen.


Jeg vet ikke hvor jeg skal, men jeg vet at jeg skal reise langt. Kanskje sovner jeg der ute og driver i all evighet omkring på de uendelige hav?
Eller jeg våkner etter noen hundre år i en saftig-grønn fjord og finner en havn og der sitter kanskje avdøde Joshua Slocum på kaia. Han som i november 1909 seilte ut på sin siste tur. Og intet levende menneske har sett ham siden. Men skje jeg skal se ham, og Joshua Slocum sier kanskje:
«Howdy, sailor. I am your harbour master. Finn deg en plass på utstikker 9. There you can stay. Welcome, son, to Paradise Bay.»


Nå seiler jeg min siste tur,
med brød og vin og Visakort, og røyk og øl og setersmør. Som sagt, jeg har gjort det før. Min bror – nå drar jeg ut igjen.

Jeg heiser mine slitne seil.
Jeg kaster loss og drar.
Nå er jeg faktisk klar, min venn.


Sees vi igjen? 

Odd Børretzen


Eg legg med ein link til Paradise bay

Ha ei strålande veke!

lørdag 17. november 2012

Kanelsnurrlaurdag

Ei av planene for november var å ete kanelsnurrar. Det er ferske kanelsnurrar i kantina kvar dag, men eg ser ein annan veg og prøvar ikkje tenkje på dei til kvardags! Men idag er det laurdag, og eg kunne bake sjøl :)
Snurrane står til heving...
Eg brukte verdas beste oppskrift, og fekk hjelp av junior, som skal ha mat-og helseprøve på tirsdag.
Vi spara verken på smør eller sukker idag!

Det er noko av det beste som finns, lukta av nystekt gjærbakst!

Fine å sjå på, luktar godt og smakar godt!
Til slutt fekk dei litt melis på, og det gjekk unna med baksten.  Men med stor oppskrift, er det heldigvis nokre igjen, slik at det blir litt å legge i frysaren som vi kan ha ein annan dag.

Eg har forresten fått "smekk på fingrane" idag, for eg kom heim med eit brød som såg slik ut:
Det som ikkje vises på bildet, er at det står Sirupskake, men når det er så mykje nissar meiner dei andre i heimen at eg er på kollisjonskurs med mitt prosjekt om å leve i november...ikkje ta jula på forskot. Jaja, det er vanskeleg å ikkje gjere ein og annan feil! Eg har ikkje kjøpt marsipan eller pepparkaker, iallfall, ikkje enno. Men det byrjar bli vanskeleg, det er jo snart berre juleprodukt i butikkane; juleskinke, juleleverpostei, julesjokolade og potetgull med julekrydder...

Kanskje er det fordi eg er litt bevist på å leve i  november, at november er lettare, lysare og har meir eigenverdi iår? Vi har hatt besøk, eg vart invitert med på teater ein kveld, eg har jobba meir(ikkje eit pluss nødvendigvis...men ein tur til Oslo ga lys og sol ein dag det plaskregna og knapt var dagslys i Trondheim) og eg har hatt nieser på sykveld. Det var ein kreativ kveld, med latter og klementin og sying og litt småfeil og symaksintrøbbel :)
Så får eg prøve å oversjå at alt frå mørkeloftet står i stova, medan mannen etterisolerer loftet. Det blir veldig bra, og det blir tvangsrydding i ting ein har lagra litt over dato...
Men med halve november bak oss, og mørkare og mørkare dagar, gler eg meg til å henge opp litt meir lys rundt om, eg planlegg julebakst og adventsstaken, og gler meg til å smake på papparkaker og gløgg!

søndag 11. november 2012

Vekestart 46

Det er søndag kveld, straks startar ei ny veke og det er på tide med nokre gode ord til starten!

Eg skriv no, sidan eg i morgon skal ha besøk av sydamer, stova er omgjort til systove og vi skal sy og skravle(og sidan eg er eldst og har hatt symaskin lengst, er eg "kursleiar"!)

Desse vekestart-orda blir ofte så strenge, litt alvorleg, samtidig som dei er sanne, forsåvidt. Men i dag vil eg bryte med det, og gje dykk noko blott til å smile av!

Jagrisen og neigrisen

Først tegnet Liv en Ja-gris,
en riktig blid og glad gris.
Den smiler sånn at milevis
har ingen sett slik smilegris.

Så tegnet Liv en nei-gris,
en riktig sur og lei gris,
men også den er heldigvis
blitt nokså lik en heldig gris.
For Liv, hun er så morsom selv
at grisen smiler likevel!

Andre Bjerke

Morovers av Andre Bjerke las vi veldig ofte og mykje til dei som no er tenåringar då dei var små, ei stund trur eg at eg kunne alle utanat! Det var rim og rytmer og humor som passe til store og små :) Det er den beste sorten! Lesing ved kveldsmaten var ein kjær syssel, som er borte no. Kveldsmaten også...

(men grisen vi åt til moddag stiller seg vel litt tvilande til heile greia?!)

lørdag 10. november 2012

Du veit...

...du har budd lenge ein stad når dette er det du finn på mørkeloftet. Og dette er etter at vi har kasta ein del... Det er mykje nostalgi i bittesmå svarte lakksko som største junior brukte si første jul og i cherroxar med skumle klør som minste junior brukte i barnehagen, og i bankebrettet og barnebøkene og henteklær frå sjukehuset og og og...Men no er det iallfall litt meir system og når mannen har lagt isolasjon og nytt golv på mørkeloftet skal kassene opp igjen! Kan ikkje kaste alt! Eg er tross alt ein hamster!

onsdag 7. november 2012

Prosjekt leve-i-november

Det er 7.november, korleis går det med å nyte november og leve her og no?
Igrunnen strålande! Positiv tankekraft gjer underverk, iallfall til ein viss grad. Eg overser reklamen som handlar om jul og sukkar berre litt når det er julereklame på TV...

Eg prøvar tenke at det er fint med litt snø, det blir lysare då! (men eg irriterer meg over værvarslet som seier varmt igjen om nokre dager=is og glatt)

Vi et mengder med klementiner, det er seinhaustsmak og søtt og fullt av sunne c-vitamin!

Idag har eg vore på kafe, åleine rett nok, men i seskap med ei god bok og ein kopp grøn te! Eg lurkikka på dei andre, let meg fasinere av den engasjerte samtalen på nabobordet; på teiknspråk! Dei kan jammen diskutere oss andre, utan at vi forstår det! Eg høyrte litt på dei som øvde til sangtime og diskuterte tekstuttale og dei to vaksne damene (sikkert over 50!) diskuterte framtida i USA og verda med Obama. Men mest las eg bok og drakk te, i 30 fantastiske minutt der eg eigentleg satt og venta på ein junior.

Prosjekt november-leve-i-tida fortsett!

mandag 5. november 2012

Vekestart veke 45

Vekene går unna, det er måndag oftare og oftare, og eg som har lovt nokre kloke ord... :)
På jobb har eg ein slik flipp-flapp med lommer for å ta vare på ting, telefonlister, "korleis lage botntekst på dokument", "slik lagar du svarbrev", kommentarar til standardsvar, adresser til samarbeidspartnerar og anna nyttig, men det beste er den lomma der eg puttar inn lappane eg skriv kloke ord eg høyrer på radio eller les i forbifarten! (veldig sjelden kloke tankar eg har tenkt sjølv, dessverre) Dagens visdom har eg skrive på ein gul lapp ein gong, eg har ikkje samanhengen det står i, er det nokon som kan bidra med det; på forhånd takk!

Fuglen slipper sin gren, 
fordi den tror sine vinger 
Johannes Møllehave

Eg veit ikkje kven Johannes Møllehave er/var eller kva han er kjent for, men desse orda har bite seg fast i meg! 

Eg kjenner på at nye utfordringar, for store sko å fylle, det å hoppe i det, ikkje er mi beste side! Eg har, for å bli i biletet, lyst å sitte på greina!

For fleire år sidan var vi på Fjellfestivalen på Åndalsnes og såg masse kortfilmar, mellom anna ein om merganser-and (Ride of the Mergansers) Det var ei fasinerande skildring av andungane som nærmast vart kasta ut av reiret når tida var inne og kræsjlanding de luxe! Ungane må ut av reiret 24 timar etter at dei er klekt! Dei er ikkje så stø å verken det eine eller det andre, dei må stole på seg sjøl og foreldra.

Men av og til må ein sleppe! Tru på vingane sine! 
Ha ein fin veke, hopp i det!

søndag 4. november 2012

Eg velger meg november

Kvifor iallverda gjer eg det? Mørk og kald og utan ekstra fridagar og eigne tradisjonar.

Jo, nettopp fordi den har så dårleg rykte og meir og meir blir oppeten av jul. Eg kjenner eg blir prega av det som skjer rundt: start jula no(det blir vel ikkje sagt så rett ut, men...) i fred og ro, prøvesmak juelmaten medan det er tid, pynt så du rekk kose deg+++ Eg vil finne det gode med november!

Eg var ute og handla 1.november  og vart nesten fanga av jula. Eg kunne jo kjøpe julepynt no, så mykje fint og søtt og stilig og sjå i butikken. Eg fall nesten for fristelsen, men så tenkte eg: treng eg den? Neppe. (Og er eg heldig er den på salg allereie før jul, så eg kan kjøpe den då.)
Julematen er her, et den no! Kvifor det? Då blir eg lei før til og med adventstida startar. Klarer eg vente til iallfall 1.desember, er det lell over 3 veker til sjølve jula byrjar. Julemusikk har eg ikkje høyrt enno, men den kjem nok snart.

I år vil eg heller prøve å fokusere på november!
Ein månad for å ete haustmat! Eg kan godt ete fårikål ein gong til, eg har ikkje laga lammelår enno, og eplekake, mmm, med kanel og rosiner og mjuk krem, det kan eg lage mange gonger av dei sure, sprø epla frå apalen heime! Og suppe med rotgrønsaker og svineknoke, eller ertesuppe, eller kanskje kjøtkaker med tytebær til? Og ein kveld vil eg ha kanelsnurrar og kakao med krem.

Eg kan tenne levande lys i mørket, dei fine lyslyktene mine ute kan godt brukast endå meir og skaper hygge! Og inne kan eg fylle stova med telys og duftlys og stormlykter.

Eg skal ha sykveld med nieser og søster, vi skal sy til julemesse og julegåver og oss sjølv, vi kan høyre mjuk haustmusikk, kanskje litt jazz medan vi pratar og kosar oss, i november!

Eg kan gå på kafe med vener og kollegaer, og kjenne på den gode samtalen og snakke om gleder og lufte frustrasjonar.

Eg skal fyre i omnen og krype opp i sofaen og lese gode bøker. Treng du tips, sa du? Eg anbefalar Ken Follett og den nye boka hans: "Vinter over verden". Eller engelsk krim, av Ann Cleeves, eg les på Kindle og kosar meg!

Eg kan gå tur i mørke kveldar og lengte til sola snur, kjenne litt på novembermelankoli. Eller eg kan gå tur om morgonen og sjå dagen komme, kanskje med novembersol som idag?

Eg vil høyre på radio og lære noko av eit program på P2 eller la meg underhalde av P1, eller motsett. Eg vil høyre ny musikk på P3, eller høyre på ein kanal eg aldri høyrer på og oppdage noko nytt.

Samtidig kan eg skrive lister for det eg skal i desember, julegåver og bakst og julekort, og vite at eg har det der, på listene, eg treng ikkje huske det. Eg kan kjøpe inn til adventskalenderen, slik at vi kan starte nedtelling i desember-når tida er inne.

Men eg vil leve i november, ikkje berre ein transportetappe til jul!