onsdag 15. januar 2020

Å lese bussruter

Sidan eg starta i ny jobb i august, har eg gått til og frå jobb. Kvar dag! I all slags vær. Det har vore godt (kanskje ikkje alltid klokka kvart på sju om morgonen, men når eg først har kledd på meg og starta å gå, har det vore godt)

Denne veka har ein fot slått seg vrang, og etter turen til jobb igår, innsåg eg at eg måtte ta buss heim. Og idag har eg bussa begge vegar. For ei som er vant til å gå når det passar, så er dette litt vanskeleg. Heldigvis går det buss ofte!
Utsikt får busskur.
Eg meiner det manglar ein buss her.

For i dag tidleg gløymte eg å sjekke klokka og når bussen gjekk, så den gjekk når eg sto på feil side av gata. På tur heim att viste det seg at eg går saktare enn eg trur, og eg såg kun baklysa på bussen då eg kom til busstoppet.
Men eg gir ikkje opp, og prøvar på nytt i morgon!

fredag 10. januar 2020

Linskjorter og havregryn

Eller noko slikt. Havrelefse og striskjorte er det iallfall ikkje.

Og juletreet er ute, og pynten er pakka saman. I fleire store esker med julepynt.
Trur eg har funne alt, men det brukar å vere igjen minst ein ting #gamaltjungelord
Eg ante uråd då eg fann ei kasse som liksom var til overs. Der skulle nisseskogen pakkast ned, så fekk eg med den også.

Eg trudde nålene satt fast, til eg byrja ta ned pynten...



Klart for loftet

søndag 5. januar 2020

Jula varer litt til...

Jula varer, om ikkje til påske, så iallfall ei veke til her i huset.
(om den blir ståande til 20.dag veit eg ikkje, men i år går vi fort forbi 13.dag!)



Og eg rakk to turar på ski denne helga!
(og er bra er det, for no pøsregnar det...)

onsdag 1. januar 2020

Godt nytt år!

Det har nok vore ein bra slutt på 2019 og ein god start på 2020, for eg har nesten ingen bilder som kan dokumentere kva som skjedde!

Men i går kveld -nyttårsaften- var vi på vennefest, med spleiselag, "same procedure as last year" (eller eigentleg som 2014, vi var dei samme folka, minus det meste av barn, som no har vorte ungdom/vaksne, og vi brukte samme meny! Eg laga baconkledde dadlar og foccacia, som i 2014) Og samme "oppskrift" er fint! Det var raust med god mat, dessert i lange baner, 4-stemt sang og alvor og latter og tullprat.


Men utsikt frå stova har eg bilde av.  Det var solnedgang og eg tenkjer at dette er standarden for 2020; lys der framme!