torsdag 24. september 2020

Haustklisje

Det er altså så fine farger for tida. 

Turen til og frå jobb er full av gode motiv, så eg har kameraet fullt av klisjefylte bilder med haustidyll! Berre litt dit og om eg klarer å fange lyset her...og vips har eg brukt litt ekstra tid. (alt regnværet derimot, det gløymer eg å ta bilder av!)





Men enkelte bilder er meir klisjefylte enn andre. Dette her konkurrerer med nakne tær i grønt gras, tær på sandstrand og tær i snøen! Akkurat no er dette kanskje det finaste eg veit! 


Å vasse i haustlauv. 

onsdag 23. september 2020

Eg, ein hamster

 Hausten er ei fin tid for oss som likar å hamstre! 

Eg har plukka blåbær, bringebær og tyttebær. Eg har ete masse bær når eg har gått i skogen, og eg har mi eiga multemyr der det i år var mogeleg å finne langt meir enn til multekrem i jula. Mannen hjalp meg å få tak i rognebær, for som kjent "høyt henger de" og eg har laga gele til viltmiddag og viltsaus. Eg har vore invitert til bærplukking i fleire hagar, og eg har sylta stikkelsbær og eg har kokt ripsgele.

Gelekoking


                                                   

Og i går fekk vi levert kjøt frå geitekje på døra. Det er delt opp og pakka og noko ligg i salt for å bli spekekjøt(det heiter neppe fenalår når det er frå geit...)


Det er mannen som plukkar sopp. Eg kan berre kantarell...



Mi indre husmor reknar  husmorpoeng og boksar med syltetøy og reknar ut kor ofte eg kan ta opp tyttebær og likevel ha heile vinteren. 

Men no er snart sesongen over for i år... eg finn nok noko anna å hamstre (sko kanskje?)



lørdag 19. september 2020

Knoll og tott?

 I serien "Kirsti prøvar og feiler": 

Georginer

Eg har forsåvidt ikkje feila, enno.





I vår fekk eg tilbod om georgineknollar frå svigermor. Eg tenkte at her har eg lite å tape, så eg tok dei med... Svigermor sa at eg kunne plante dei i potte, så det gjorde eg først. Slo fort fast at det ikkje gjekk, dei vart fort altfor store. Så eg måtte ordne eit bed. Eg tenkte at dei skulle ta ca halve bedet, og sette ei roseplante og nokre ringblomster der også. Vel... rosa har eg flytta og ringblomstrane har vorte vekk... Trur dette var veldig godt fostra knollar, for no er dei over ein meter høge.

Etter kvart vart det knoppar, og no er det masse blomster. Som eg nyut ute, som eg plukkar og sett i vase inne og blandar med dei andre blomstrane eg har i krukker ute. Eg kosar meg!




Men... eg har byrja lese meg opp, og er veldig spent på temperaturutviklinga, når kjem frosten, når skal eg klippe dei ned, når skal knollane opp? Google er min beste og verste ven, eg les hagebøker og diskuterer med andre georgineeigarar. Eg lurer på om eg har passande kasse å lagre dei i, må huske å tørke ute først, slik at dei ikkje rotnar så inn i kjellaren. Skal eg satse på matbua eller vaskerommet? Og ikkje minst; når skal eg ta dei fram igjen til våren?! 

(og vil nokon oppdage det om eg ikkje klarer å få dei til å overleve, og kjøper nye neste år?!)



"Nytt liv av daude gror"

I vår, då koronaen senka seg over landet og våren aldri kom. Snøen derimot, den kom i mengder. Då rydda eg i blomsterpottene frå i fjor, og fann ein vissen, bortimot død stakkar. Identifiserte den som ei potterose som nok haddde vorte ignorert på det grovaste i fjor haust. Eg tenkte at her har eg lite å tape, så eg klipte den ned og tok den inn i huset og ga den stell, vatn, lys og kjærleik.



Den var litt pjusk i starten....


Den kom seg. Fort!

Då sommaren kom, planta eg den i ei plantekasse bak huset. Det viste seg å ikkje vere så lurt, for rådyr likar roser... Så eg sette den tilbake i potte, ei større denne gongen, og plasserte den på rådyr-trygg grunn. Og den har vakse, og sist eg rekna over, hadde den 14 knoppar! Eg er litt spent på om den vil rekke å blomstre før frosten kjem...



No har den kome seg :) Eg må stoppe og sjå litt på den kvar dag når eg går til jobb!



Og eg er spent på om den vil overleve ein vinter til?! Kjenner eg har litt å leve opp til no.


søndag 9. august 2020

Søndag kveld

Frukost i det fri
Søndag kveld er ofte litt vemodig, det er slutt på å sove lenge, gjere som eg vil, la humla suse... Det er tilbake til vekkeklokke og matpakke. No burde jo ikkje det komme som ei overrasking, sidan det skjer kvar veke, men mykje vil ha meir, og det har nettopp vore sommarferie.

Men idag sette eg meg i sola og tenkte tilbake på veka som gjekk, og fann mange gode ting som godt kan huskast på, og kven veit, kanskje blir neste veke slik også?!


Klassisk sommarbilde
-barbeint i graset-
  • fredag var det sol og varmt, skikkeleg sommar og bikini og shortsvær. Alle måltid ute, klestørk og tid til å lese bok.
  • laurdag gjekk eg tur. Eg viste kvar eg starta, eg viste kvar eg ville, men mellom der måtte eg lese kart og finne fram sjølv. Det gjekk bra, det var sol og varmt, eg hadde stilletid åleine i skogen og eg fann multer og blåbær. (muleg eg ikkje gjekk heilt lovleg ein stad, men pytt...)
    Glad dame på tur
  • eg har fått tekstmeldingar frå folk som bryr seg, som spør om ting som berre eg og den andre deler. Det er godt å bli sett.
  • sist helg var vi på tur med gode vener, fantastisk vær, natur og solnedgangar. 


  • eg har fått ny sjef, som samtidig er ein tidlegare kollega. Det er fint!
  • vi har hatt fin familiemiddag med nesten heile kjernefamilien
  • blomstrane mine blomstrar. Nokre syng på siste vers, nokre er midt i blomstringa og nokre er i ferd med å folde seg ut. Eg har blomster i nesten alle rom inne. Det er luksus! Og eg samlar frø frå både erteblomster, ringblomst og blomkarse, slik at eg kan så neste vår. Prøvar dessutan å tenkte på korleis vi skal ha hagen bak huset, og framleis sette pris på å ha rådr der. Dei er litt for glade i roseknoppar og blomkarse og jordbær...

  • skogen er full av bær, eg treng berre litt meir tid, så skal eg ut og plukke meir. Bringebær, blåbær, multer...

  • eg har gjort unne eit år i den nye jobben! Det har gått både fort og sakte. Det har vore noko nytt rundt alle svingar, eg har strekt meg og lært masse nytt, og innimellom vore så overvelda. Men etter ferien merka eg at eg har langt frå august i fjor! Det er godt!
  • eg har vore i fødselsdag hos lillesøster, med antibac og god avstand, kjekt å treffe folk og få god prat og god mat.
  • eg les den siste boka om "Elling", og veit ikkje om eg skal le eller gråte. Den er så bra, og så vond! 

AUGUST
Slutten er vakrest
hvisker svaberget og
løfter den brune kroppen
din litt nærmere solen
vakrest er slutten og
august presangen til
dem med hjerte
for sirisser
rognebær og
solnedganger
Arne Ruste

Eg er så glad i dette diktet, kanskje fordi august er min månad, med fødselsdag. Men samtidig er det månaden for oppstart, av nye ting, men også for fortsetting. Det er hausting av bær og grønsaker, det er jobb og skule og aktiviteter, ting kjem tilbake til kvardagen. Og eg er eit vanedyr, eg likar rutiner og kjente ting. Det er då eg lettast kan ta til meg det nye! 
Ha ei god veke!
"Count your blessing, instead of sheep!"

lørdag 25. juli 2020

Humlesommar



I sommar har eg tatt bilder av humler. Mange humler, særleg saman med blomster. Men kva gjer ein med alle bilda? Det er måte på kor mange eg kan legge på Instagram som #dagenshumle...
Så då samlar eg ein del bilder her!

Seint i mai, då snøen omsider var borte

Tistel med humle

Peon med humle

Dobbel humle!
Åkerhumle på marihånd

Humle på setra
Ein fjellforglemmeiei, trur eg.

Å oppdage humlene, har også gjort at eg har oppdaga blomstrane på ein ny måte, og no ligg Floraen framme til ei kvar tid og eg leitar på nettet etter namn på blomster. Så dette er ein slags vinn-vinn på lærdom og glede!
Tistel med humle og utsikt


Her er noko anna, men eg måtte ta den med.
Blåknapp med blek engmott

Blomkarsen er veldig populær hos humlene!

Denne blomsten har eg aldri tenkt over før, men det er
altså ein enghumleblom. Og humla jobbar innandørs her.

Humle i hekken


Eg kosar meg med humlejakt. Eg gler meg over jobben dei gjer, og lurer på om det er fordi eg ser etter dei at eg syns det er færre, eller om det er som før? summar det litt mindre i blomsterenga?

Steinhumle på reinfann
(takk til internett!)

tirsdag 23. juni 2020

Hageglede

Lite slår det å gå i hagen og sjå kor det gror og veks!
Akkurat no har eg funne knopp på både erteblost, blomkarse og ringblomst!



Jordbæra har blomster, og små bær.
Georginen er flytta over i ei større kasse med meir jord, og rosebusken eg redda frå den visse død innerst, nederst i bua har snart små roser.

Og det gamle rosentreet har små knoppar som lyser i rosa. Snart blir det roser og lukta av roser og midtsommar og minner.

(Så må vi berre ta med at hagen blir litt dårleg stelt nokre veker, når vi etterkvart reiser på ferie)

Håpet er lysegrønt, seier dei, og då er hagen min fyllt av håp!