søndag 28. desember 2014

Vekestart veke?

Er du klar over at veke som straks er slutt er veke 52?! Og at vi på ein måte (tjuv)startar på veke 1 i morgon?! Litt usikker på om eg likar slikt! For meg er det veke 53 i morgon, dermed basta, og det er jule enno! Strålande jul! 
Vi har fri alle mann i heimen, enno(eg skal på jobb på tirsdag og på nyttårsaften) Dagane startar saktare og seinare enn vanleg, eg tenner julelys på juletreet, stjerna i vinduet, lysestaken, fyrer i omnen, sett på tevatn. Så kjem dei andre ruslane ein etter ein. Frukosten er overdådig med alt godt, kjøleskapet har vore overfyllt. Nokre kjem ikkje før til middag, sidan kveldane har ein tendens til å bli natt for husets yngste. Ute er det snø, rettare sagt SNØ! Det har kome mykje kvar natt og dag, det er godt vi har vaksne, sterke soner, og at ein av dei gjerne vil bruke bilen, slik blir han ekstra motivert til å måke og koste og ordne ute!
Så får det vere at eg lengtar etter og treng kvardag og rutiner og vekkeklokke og orden på dagen. Eg treng rå gulrot og tomat snart, eg treng faste måltid, eg treng aviser, litt tid for meg sjølv. Eg gler meg på fiskekaker og makaroni(det er ingen som nektar meg det no, men det er ikkje plass mellom alt som høyrer med i jula) Eg har laga Dronning Maud-fromasj i kveld, som vi skal ha til dessert i morgon, det er godt det, men litt av gleda er at vi berre et det i jula.
Jula er litt av alt, det er gleda over jula og saknet etter kvardagen! Iallfall for meg! 
Jula er strålande! Iår er den kvit, og eg har gått meir på ski no enn heile fjorvinteren. Eg har eit saftig gnagsår på venstre hæl som bevis… Idag spente vi på oss skia utenfør eiga dør, og kunne gå heilt til marka. Slik kan det vere å bu i by.

Vekestarten får vere ein julesang

JUL, JUL, STRÅLANDE JUL

Jul, jul, strålande jul,
glans över hvita skogar,
himmelens kronor med gnistrande ljus,
glimmande bågar i alla Guds hus,
psalm som er sjungen från tid til tid,
eviga längtan til ljus ock frid!
Jul, jul, strålande jul,
glans över hvita skogar!
Kom, kom, signade jul!
Sänk dina hvita vingar,
över stridernas blod ock larm,
över all suckan ur människobarn,
över de släkten som gå till ro,
över de ungas dagande bo!
Kom, kom, signade jul,
sänk dina hvita vingar!
- ukjent -

God veke 53!

4 kommentarer:

  1. Høres ut som du har hatt en fin jul, du også. Kjenner meg igjen i å lengte etter hverdagen.... Vi er litt rare, gleder oss til fri og så går det ikke lange stunda før vi lengter tilbake til jobb og rutiner :-) Men det er jammen godt at det er sånn! Ha ei fin uke 53 ;-)

    SvarSlett
    Svar
    1. Det er godt med både kvardag og helg, det er vel vekslinga som skaper livet.

      Slett
  2. Jeg elsker romjula! Den er et eget "rom" som jeg går inn i 3. juledag og ut av på nyttåraften, og der inn er det koselig! Jeg tenner masse lys, fyrer i ovnen og nikoser meg.

    Nå fikk jeg forresten skikkelig lyst på Dronning Maud- fromasj... :-) Fortsatt god jul til deg og familien!

    SvarSlett
    Svar
    1. Romjula er fin, men eg blir plutseleg utålmodig… Og Dronning Maud-fromasjen var god ja !

      Slett