torsdag 18. desember 2014

Drøymer om mat, julemat!

I år har eg vore streng og konsekvent, og vi har nesten ikkje ete noko som startar med jul (som juleskinke, julepølse, julebrød, julemarsipan etc) Eg er veldig fornøgd med det, men no er eg veldig klar for julemat og julesmakar altså! Vi har ete heilt vanleg kvardagsmat, og det er jo godt det også. Grunnen til at eg har halde igjen på julekosen før jul, er delt. Eg likar at vi gler oss, eg likar at vi sparar det beste til jul. Eg tenkjer at det blir nok kos, om vi ikkje startar i november. Men som sagt, no er eg klar!!

Det blir sagt at lukt er av det sterkast når det gjeld å huske ting , og det er sant når det gjeld meg og særleg jul! Ta meg inn i eit rom der pinnekjøt står til damping og sviskesuppa kokar i ein kjele ved sida av. Eg er tilbake på mamma sitt kjøkken, eg ser for meg juletreet i stova og dei litt stive, men akk så lekre finskoa eg fekk til jul i tredje klasse. Eg hadde fotsid kjole ala "Hollie Hobby", og har sjeldan vore så fin før eller seinare! (Men ikkje berre den jula, alle juler heime) Eg har aldri likt sviskesuppe, men lukta hører med til jul!
Omtrent slik huskar eg kjolen. Men eg hadde ikkje kyse!

Opne ein boks hjortesalt, og eg får mjøl på nasen og eit akutt behov for den finaste utstikkarforma! Det er nemleg hjortesalt, mykje, i kakemannoppskrifta vår! Eg treng den dameforma, veit du, som gir litt runde damer, ikkje firkanta! Det er varmt på kjøkkenet, det luktar hjortesalt, det smakar godt med kald mjølk til lunka kakemenn, som er malt med konditorfarge i raudt eller grønt. Ein gris står det "Bustus" på, på mann- og damefigurane er det namnet til gjestar som er venta i løpet av jula.

Lukta av juletreet er nostalgi herfrå til 20.dag jul! Lukta av sot og olje når pappa rensa kaminen på kvelden lillejulaften, etter at all vasking var avslutta… Lukta av grønsåpe, røkelse, levande lys, nybakt julebrød, aniskringler +++ eg har mange julelukter lagra i nasen, eller kanskje helst i hjernen. Og eg kan føye til svibel, julete, og ein grøn shampo med eplelukt eg fekk i julegåve eit år!

No gler eg meg endå meir til jul:)
Eg treng lange frukostar i jula, for eg har så mykje godt pålegg!! Eg har laga

  • lammerull
  • sylteflesk
  • fenalår
  • speka elgkjøtt
  • leverpostei
  • tomatsild
Leverpostei
Og eg har bakt litt, og må bake litt til, så vi ikkje berre et pålegg :) Svigermor sendte ein boks havrekjeks, som er så god at eg vurderar å halde skjult at vi har dei og ete dei i smug! Vi skal ha røkt laks og egg og god ost, og kjenner eg oss rett, er det ikkje sikkert vi rekk middag alle dagar, for frukosten varer for lenge!

Eg har ikkje bakt så mykje, men har 
  • berlinerkransar
  • brune pinnar
  • krumkaker
  • peparnøtter
  • frukt- og nøttekake
Frukt- og nøttekake
Eg har meir også, for idag fekk eg to sortar lefse og sirupssnippar frå storesøster! Det er ei super julegåve! Og når det nærmar seg skal vi lage delfiakake, det er konsentrert mat, både med smak og kaloriar! Og skulle juniorane få ånda over seg, blir det kanskje peparkakehus og kransekakestenger.

Så har mann og barn kome med liste over ønska dessertar, og eg lurer litt på om vi må utvide romjula for å rekke all desserten!
  • dronning Maud fromasj(eit must, ein av dei første fellestradisjonane for mannen og meg)
  • sitronfromasj
  • multekrem
  • jordbær med vanlijekrem
  • heimelaga is med sjokolade og karamell
  • karamellpudding
Karamellpudding
Oh, eg blir svolta her eg sitt og skriv! Og eg gler med :) Til maten ja, men like mykje til gode minner frå barndommen, når eg lagar mat med minner, eg tek fram julepynt med historie, eller skal sige ned i sofaen med julehefter! Eg gler meg til rolege dagar med familie og vener! Tid til ein ekstra tekopp til frukost, tur i skogen, kanskje på ski om snøen ligg. Kanskje til og med brettspel ein kveld?






7 kommentarer:

  1. Mmmm! Jeg er enig med deg: jeg sparer mest mulig julemat til jul. På morgenen på julaften står jeg opp og setter på pinnekjøttkjelen før jeg hopper i dusjen. Når jeg er ferdig på badet og går ned trappa kjenner jeg lukta av pinnekjøtt og grana som vi tok inn kvelden før - lykke! :-)

    SvarSlett
  2. Sanne her. Jeg har sjekket at syltene er bra, men ikke noe mer. Gulvene skal være nyvaska og det skal lukte nytt grantre før vi starter på julematen.

    SvarSlett
    Svar
    1. Har prøvesmakt en skive med rull og en med sylte. Tomatsulda måtte testes for saltgrad, men ellesr prøver jeg holde igjen!

      Slett
  3. Så flink du har vært! Jeg er elendig på sånn fancy matlaging og bakst, men noe klarer vi jo å stelle i stand...God jul!

    SvarSlett
    Svar
    1. Innlegget sier ikke noe om gode minner med lukten av grønsåpe! I min familie baker vi, istedenfor å vaske! (iallfall om vi får velge! ) Har ikke vasket og ryddet noe til nå, men det må vel til… sukk! Men først delfiakake :)

      Slett
  4. Oj, så flink du er! Det er alltid spennende å lese om hva andre lager. Vi har heller ikke hatt julemat på bordet - det synes jeg hører jula til.

    God jul:-)

    SvarSlett
  5. En dag skal jeg bli like flink som deg, du er forbildet mitt!

    SvarSlett