søndag 16. november 2014

Vekestart veke 47

Hurra, snart ny veke :)
Eg har full kalender, og eg må tilstå noko: eg har byrja skrive lister med huskepunkt for desember… Men ikkje ei peparkake i sikte i heimen. Vi har ete gulasjsuppe med elgkjøt idag og kjent på at det er skikkeleg haustmat. Mannen var med meg i skogen, og der er det haust, med frosne myrer og lauvet har fallt av. Men ikkje mykje snø som gir julestemning. Vi møtte ein gamal(det er lov å seie det når han såg ut til å vere nærmare 80?) Han ville ha snø snakrt, så han fekk gå å ski. Eg tenkte at han vil eg ikkje gå om kapp med, for han såg ut til å vere av den uthaldande typen!

Igår var vi på nabofest. Vi er heldige med naboane våre!! Vi fekk smalahove. Eg var debutant på feltet, og var litt spent. Det er jo litt rart med mat som ser på deg når du løftar bestikket for å ete… Men med litt guiding og prøving, fann eg ut kva eg kunne ete, og det smakte godt!
#saufie

Og ein kveld med gode naboar, god mat og god tid er jo stas!! Mange tema var oppe til diskusjon, nokre vart kanskje løyst? Men det viktigaste er at vi treffes. (Note to self: det der snart vår tur å invitere)

Med eit slikt måltid, fann eg ut at dagens dikt må vere sauerelatert. Mamma var minstesøster i familien då ho voks opp, og søstra som var 10 år eldre likte godt å synge "Eg gjette Tulla" til henne. Dette fordi mamma alltid byrja gråte når dei kom til verset der det berre er bloddråpar igjen av Tulla… Søsken, altså! Men sanger er jo trist og dramatisk, ikkje rart om det kom tårar.

Eg gjette tulla i femten år,
eg passa vel på Tulla.
Eg gjette bort både lam og får;
men endå hadde eg Tulla.
 
Refreng
Å hei, å hå, det får så gå,
eg tregar meste på Tulla,
for ho var krulla i ulla.
 
Eg gjette Tulla borti ei li,
det var så lite til beite.
Eg gjekk og lokka på Tulla mi
og etter graset mun leite.
 
Og så kom skrubben laskande fram,
då fekk eg kjøpmann til Tulla,
og akkederinga var kje lang,
og penningan’ver kje mange.
 
Eg fekk kje meire av Tulla mi
enn ein liten flekk utav blodet.
No kjem eg aldri til Fagerli
om der er gras nok og groe.
Folkevise

Ha ei strålande veke! Med eller utan ull og tull :)

1 kommentar:

  1. Jeg har startet litt med julen jeg altså, tenkt og planlagt en del, tatt inn noen små graner, drukket gløgg, kjøpt kalendere til barna og noen julegaver. Regner med at både økonomi og tid spiller en stor rolle i desember mnd så det er greit å fordele litt. Jeg syns halve november også har en del jul i seg:) elsker førjulstiden, men så fort vi bikker januar er jeg klar for vår.
    Smalahove har jeg aldri spist..jeg tror den sitter langt inne, hehe:)

    SvarSlett