fredag 30. september 2016

Ein fredag i september

...og ikkje kva som helst slags fredag, den siste i september.
Nokon bryr seg ikkje om at det er oktober i morgon, ute blomstrar jordbærplanta og serverer raude bær kvar dag(men dei byrjar bli litt sure, det er vel litt lite sol og varme)

Dagen starta tidleg, som vanleg, og litt travelt. Eg vil gjerne rekke mest mogeleg dei timane eg er på jobb, eg lærer (om enn noko treigt) at det begrensningar, sjølv for meg, og det kan gje litt høge skuldre... Eg fekk iallfall gjort ein del før eg tok helg. Og eg gjekk heim frå jobb, med ulljakke og regnjakke(og dessverre ikkje støvlar) og kjente på klar haustluft og såg fine haustfarger.



For den som ikkje veit det, så er det elgjakt no, det fører til at eg, inntil kvota er skote, er elg-enke dei fleste helger. Når i tillegg eldstejunior er på veg tilbake til militærteneste og minstejunior er på hyttetur, betyr det at eg er heime åleine! Yuhu!
Sliten i ryggen og med litt sår hals, blir det vel ikkje all verdas utskeiingar og sprell, men eg skal kose meg!

Eg har rydda, vaska og ordna i heimen(heilt til ryggen sa stopp), med den tanken at når eg er åleine, så må det halde seg ryddig lenger? Håpar den teorien stemmer...noko seier meg at det kan bli eit hardt møte med realiteten! Og eg har kjøpt blomster og plukka litt ute i hagen, då er det helg!


Eg har laga pizza med rødbeter, gulrot og blåmuggost. Det var kjempegodt, og kan fort bli laga flerie gonger. Eg har ein bunke aviser, radioen på P2(og eg har vore innom NRK Alltid klassisk) Eg har Pepsi Max i kjøleskapet, og før junior oppdaga posen, hadde eg 8 bitar smågodt. Ikkje no lenger... Eg har ullpledd og ved, dersom eg vil fyre. Eg har blinka meg ut eit par program eg skal sjå på tv, og eg skal lese på senga til eg sovnar frå boka(utan at nokon klagar på lyset) og sove lenge i morgon!
Eg har ein avtale om lunsj på kafe i morgon, og eg skal kjøpe fleire aviser. Eg skal kanskje gå tur i skogen, dersom det ikkje regnar iallfall. Eg skal lade batteria!

Hausten altså

Og eg gler meg til dei andre kjem heim igjen etterkvart, det er det beste med å vere heime åleine, at eg veit det ikkje varer evig!


3 kommentarer:

  1. Hørtes egentlig litt deilig ut å være Elg-enke :P Her er det full fart en ukes tid nå fordi det er høstferie, og jeg har alle fire barna hjemme. Det er meldt fint vær, så da får vi gå noen turer og grille litt ute i naturen tror jeg :)

    SvarSlett
    Svar
    1. Det har helt klart noen gode sider å være elgenke :) iallfall nå når ungene er store, det var litt mer stress å være alene med ungene da de var små. Nå har jeg kommet til frokost og lørdsgsaviser. Nydelig! Ute er det ett gløtt sol, håper det holder.
      God Helg til deg og dine!

      Slett
  2. Kos deg masse med aviser, deilig mat og sol! Stor klem til deg denne vakre dagen!

    SvarSlett