torsdag 30. mai 2013

Så kom regnet...

..og då kan ein sitte inne med godt samvit(eg har vore inne før også, men slit med det når det er fint ute) Då BURDE eg vore ute, burde-burde. Dessutan har nok huda mi godt av å vere litt regntid, eg prøvar lagre sola og sommaren i brunfarge på huda, evt litt raudfarge. Det har vore den finaste mai i manns minne(iallfall mitt minne og som eg har hatt tid til å nyte!) Eg tør ikkje, basert på snart 20 år i Trondheim, satse på at det held til i morgon. Så då blir det lesetid i hengekøye, det er jammen eit slit!
Bein i hengekøye! 

Kan frukosten bli betre?
Eg har tatt med frukosten ut dei siste dagane, tenk å kunne gå ut i lette sommarklær og ikkje fryse! Eg har sett batteri i ein gamal reiseradio, lese aviser og drukke te og ete frukost. Når det er så fint rundt meg får eg nesten lyst til å ete sundt også, nesten... ;)

Blomster på "bordet"
Sjølvportrett i skarpt lys!


Sol i bladverk

Men igår var vi ute til seint på kveld også, og hadde kvalitetstid og kvardagsluksus så det heldt!

Vi har hatt ein fløteboks ståande i kjøleskapet, LENGE, som vi skulle lage vaflar av, ein gong. Dagane går fort og fløten har vorte surare og surare...heilt på grensa at eg slo den ut, for den tok plass og bula stygt. Eg har stadig tankar om at vi skal kaste minst mogeleg mat, og at også slike restar kan brukast. Men det går så fort ein dag, og vi er ikkje alltid heime samtidig, det krever litt ekstra å gidde å lage røre og det er ikkje måte på kor langt eg kan unnskylde meg ut på viddene...
Men igår fekk eg overbevist tenåringane om at den lett inmobile og utålmodige mora trong vaflar til kveldsmat og at det berre var rett og rimeleg at dei laga vaffelrøre. Det krevde berre litt overtaling og godsnakking, så var dei i gang.Vi tok med alt ut på terrassen, det er ganske fint når ein kan sitte i skyggen klokka ni, framleis i short og tskjorte og ha det godt og varmt.
Alt klart

Nei, fingrane av fatet, mor skal dokumentere kosen før vi et!

 Vi kunne nyte nystekte fløtevaflar til kveldsmat. Vi kunne kose oss og småprate og nyte været! Det blir ein god kveld å huske til vinteren med kulde og vind og mørke...
Eg har fått kvalitetstid med sjela mi!


Ingen kommentarer:

Legg inn en kommentar