søndag 25. februar 2018

Jazzcamp og fullt hus

Ofte er det ganske roleg heime hos oss. Mannen og eg har stort sett oversikt over planene for dagen, og kven som skal kva, når. I profilen min står det tenåringsmor, men det gjeld berre 3 veker til. Då blir yngstemann 20 år, og det er litt rart... Men akkurat no får eg testa ut om eg enno er fleksibel og kan snu meg rundt i ein fei!

Musikkjunior har hatt vinterferie, iallfall slik av og til, denne veka. I morgon er det opptaksprøve for vidare skulegang, og dit er det fleire enn han som skal. Den som bur i nærleiken av slike opptaksprøver, kan drive ein slags jazzcamp eller "mors bed and breakfast m/øvingsrom og servering av middag" om ein vil. Og besøk og liv i huset er kjekt, så velkommen til oss!
I går kom ein ekstra kontrabass i hus, med musikar, og idag kom ein trommis med deler av trommesett (det heiter sikkert noko anna?) Vi har hatt elggryte til middag og til frukost var det eltefrie rundstykker. Alle skulle få enkeltrom, og kølapp til badet. I tillegg får eg gå til jobb i morgon, for eg driv visst utleige av bil også! Og det var jo litt dumt at det var akkurat no "lille, grønne lynet" fekk behandlingsstopp og er avskilta og ligg avkledd hos ein hoggar...

Etter ein samtale med ingeniørstudenten, som har hatt reunion med kompisar frå militære og gått på toppturar heile helga, har vi gjort om på romfordelinga. For han hadde tenkt å komme innom i natt, og hadde lovt seng til ein som skal ta første flybuss i morgon tidleg. Vi har altså utvida til bed and breakfast, (nesten) ski in/ski out. Godt vi har ekstra dyner, feltseng, brød i frysaren og hjarterom!

Og enno har eg igjen ein sovesofa og i verste fall ein madrass til å sove på stovegolvet, om du skulle vere i nød. Litt usikker på om huset kjem til å sove i natt, det kan vere dei første står opp før dei siste legg seg.


Men tidleg idag, då var det eg og ein bukett tulipaner i februarlyset! 


4 kommentarer:

  1. Så flott å ha et sånt hjem! Litt hektisk, men fantastisk flott! :-)

    SvarSlett
    Svar
    1. Bitte litt hektisk! Og man kunne jo noen ganger ønske seg litt mer langtidsplanlegging. Men det er herlig at de tar med kompiser hjem. Og noen kompiser må holde ut alene med oss gamle, det går stort sett greit, men syns litt synd på dem da!

      Slett
  2. Fantastisk.. håper vi også får det slik...

    SvarSlett
    Svar
    1. Tror det er gode muligheter for at du får fullt hus i årene framover, dersom du har åpne dører Laila!
      Det er stas! Man må tåle litt kaos og brå skifter, men det er verdt det!
      Og nå kom det jammen en kontrabassist til, som skulle låne en kontrabass, så hun står og øver i kjelleren.
      (og på onsdag er vel de fleste reist igjen, og det blri stille)

      Slett