Litt spent på om eg fotograferte kvar dag sist veke, vi får sjå.
På måndag tok eg surdeigen fram frå kjøleskapet og mata den, slik at eg skulle vere klar til surdeigbaking på tirsdag. Eg fekk surdeig frå kona til ein kollega av mannen, for omtrent 3 år sidan. Eg har den i kjøleskapet og det varierer kor ofte eg brukar den, og av og til går det lenge mellom kvar gong den får mat, men den er alltid villig når den får stell!
På tirsdag vart det baking. To rundar med surdeig, tilsaman 6 brød. Nam! Surdeigsbaking er baking for fridagar og tålmodige sjeler. Eg hadde fri, eg hadde tid, eg hadde andre ting å gjere innimellom, og eg kom i mål.
På onsdag snødde det, og vi gjekk på ski. Bildet er lell frå sofaen ut stoveglaset. Det er noko eg likar så godt med snøen som fell utover våren og lyset som er då. Det er heilt anna enn når det snør i november. Eg kan bli sittande å sjå på lyset og snøen lenge! "Intet så stille som sne" (ja, eg veit at andre syns det er meir enn nok snø der dei er, men i Trøndelag treng vi litt påfyll innimellom for å halde eit godt skiføre for oss som er
Kva som skjedde på torsdag, huskar eg ikkje, men eg tok ikkje bilder.
Nydeleg sol (og iskald vind) på dagen på laurdag. På kvelden var vi i 50årsdag x2, og det var så kjekt at eg ikkje huska ta bilder. Vi hadde laga sang til jubilanten, og stilte med krone til henne og tiara til oss sjølv. Ein slik dag må ein stråle litt ekstra!
Søndag kom med morsdag og fastelavn og overnattingsgjester og ein sliten rygg. Ein hyggeleg dag med mykje mat, godt selskap og mykje avslapping.
Ingen kommentarer:
Legg inn en kommentar