onsdag 24. februar 2016

Appelsinmarmelade

Eg er ei enkel sjel, det er vel berre å innrømme det. Når det skulle vore rydda, vaska eller bretta klær, er eg lett å avlede med noko som der og då verkar artigare!
Idag skulle det vore rydda, og bretta klær. (sikkert vaska også, men det likar ikkje ryggen så godt å gjere, så der kan eg unnskyde meg litt) I går las eg at no er tida for å lage appelsinmarmelade. Jepp, eg beit på med ein gong! Eg kjøpte blodappelsin, sitron og sukker. Og starta leite i oppskriftsbøker og på nettet etter den perfekte opskrifta.
Eg fann flerie som lova godt, og nokre som tok lang tid(og der var eg ikkje, tålmod er ikkje mi styrke!) Så her er mi oppskrift, ei blanding av fleire andre, trur eg:

Appelsinmarmelade

1 kg blodappelsin
1 sitron
0,5 l vatn
1 kg sukker

Vask appelsinane og sitronen godt i lunka vatn og tørk dei. Del kvar frukt i 4 båtar og skjær i tynne skiver(med skalet på). Dette er litt kjedeleg, og det var igrunnen nok med 1 kg appelsin for meg... Ta vare på steinane du finn og legg desse i ein gasklut som skal koke med saman med frukta. Legg i ein kjele og tilsett vatn. Kok i ca 45 minutt under lokk(no skal skalet ha vorte ganske mørt)
Marmalade i produksjon

Tilsett sukkeret og kok til det byrjar tjukne, no utan lokk. Dette kan du sjekke ved å ta opp litt marmelade på ei skål og sjå på konsistensen når den blir kald. For meg tok det ca 2 timar. Altså saktemat! (og trur du ikkje eg rakk brette alt av reine klær medan eg venta. Og sjå to episodar av ein tv-serie!) Ta ut posen med steinar. Fyll marmeladen på reine, varme glas og avkjøl. Sett kjøleg.

Nam!


Og etterpå har eg ete rista brød med marmelade og drukke sterk te til! Lukke!

5 kommentarer:

  1. Jaaaaa! Tenkte jeg skulle spørre om oppskrift før i dag! :-D Men hva skal de steinene gjøre godt for?

    SvarSlett
    Svar
    1. Litt usikker, men de gir vel litt smak og mulig de virker for å stivne marmeladen?!

      Slett
    2. Spennende! Det må jeg prøve. Takk! :-)

      Slett
  2. Jeg fulgte deg i går og håpet innlegg skulle komme. Det ser fantastisk godt ut!!!

    SvarSlett
    Svar
    1. Det er så artig når noen venter på det jeg skriver! Og jeg har hatt appelsinmarmelade på brødskiva til lunsj😊

      Slett