lørdag 27. februar 2016

Februargleder

Eg likar ting. Det bær huset preg av. Eg har vorte meir glad i ting som har ei betydning for meg. Det gir meg litt betre samvit å ha ting med ei historie, kort eller lang, enn å kjøpe litt sjellause ting. (og her høyrer med ting eg lagar ei historie til...) Eg likar ting/ saker som er nyttige, som har ein funksjon. Men OK, eg likar heilt ubetydelege, historielause ting også! Fine blomster, ein kopp med fin fasong og god te, blott til lyst. Det er måte på kor intellektuell eg skal late som eg er...

Idag samla eg saman nokre februarskattar som eg vil vise deg.


LØV-te. I ein kjempefin knallgul boks(kjløpt litt pga av farga på boksen), som passar med smaken av appelsin og sitron. Den lyser opp i vinduskarmen, på litt trøytte morgonar. Det er kvardagsluksus å brygge ein kanne te om morgonen før jobb.

Eg fann sitronar på butikken igår, med blada frå sitrontreet på seg. Eg syns dei var så fine, og sitron treng eg alltid, så no lyser dei som små soler i viduskarmen dei og.

Håndkrem fra Clarins. Står på kjøkkenet, luktar akkurat passe sterkt og hjelper på vintertørre hender.

Nye lys, med vårpastellfarger. Nesten for fine til å bruke... Men snart skal dei settast i lysestakar og lyse på frukostbordet.

Ein nytt armbånd. Kjøpt i Drammen på venninnehelg. Minne frå ei fin helg.

Nye sko, vårsko kjøpt på salg! Eg gler meg til snøen er borte, til varmen kjem slik at eg kan bruke dei utan strømper. Enno står dei til pynt!

Appelsinmarmeladen eg kokte her ein dag. Den vart kjempegod! Eg nyt til både frukost og kvelds. På loff, knekkebrød, med litt smør under eller med ein kraftig blåmuggost. Kvardagsluksus. Kanskje eg må lage meir?

Ein liten blomst frå hortensiaen mannen fekk ein dag. Den har pynta opp på spisebordet i mange veker!

Ikkje ei einaste bok har fått plass her, ser eg. Det er ikkje eit bevist val. Eg har fleire bøker som skulle ligge der, det får bli i eit eige innlegg! Og klær bloggar eg ikkje om, men eg kan vel røpe at eg har ein ny bukse som vil passe veldig godt til dei skoa...

2 kommentarer:

  1. Koselig!

    Hvor har du funnet de fine lysene? Jeg finner bare lys i dølle farger som lysebeige og gråbrune... Akkurat nå holder jeg meg inne med kirkeåret og brenner lilla lys igjen, men jeg har så lyst på noen fine til å ha på frokostbordet. :-)

    SvarSlett
    Svar
    1. De ble kjøpt på en skikkelig ting og tang butikk der de har fine (og litt dyre) ting. Men som du sier, det er mye lysebrune og grå så det er verdt det av og til.

      Slett