tirsdag 9. februar 2016

Vekestart veke 6

Når noko skal inn i huset, må noko anna ut. Det er tanken iallfall, men lett å gløyme. Hamstergenet er velutvikla og har med åra vokse seg sterkt.
Eg har kjøpt ein stor ting(kanskje avslører eg kva det er ved seinare høve) og då må noko ut. Mannen var ikkje i tvil om kvar tingen skulle stå. Eg var meir i tvil. Rommet der vi legg alt som er til overs, som skal tenkast litt på før det evt skal kastast, bokkasser som skal til Fretex, klær som skal strykast(har ein merkeleg tendens til å ligge der lenge) Jaktklær og jaktutstyr, turklær og klatretau. Hyller fulle av kasser med delvis ukjent innhald, veskene mine, ein tripptrappstol i tilfelle vi får besøk av nokre små vener, bøker som venter på bokhylleplass og diverse tidsskrift. Og ein hybelkaninfarm, mellom anna.
Altså, kvar skal ein starte? Vi kasta det som det ikkje var tvil om. Samla tidsskift i kasser. Bretta saman turklær, såg over strykeklær, fanga hybelkaninane.
Eg fann ei kasse med papir. Slike ein ikkje berre kastar. Sjukmelding frå 2001. Ryggen var dårleg då også. Lønnsmeldingar frå 1999(tente eg så lite det året?) Teikningar frå ungane. Ei ønskjeliste til 6årsdagen til eldstemann(spidermandrakt og radiostyrt motorsykkel) Korrespondanse med Trygdekontoret, heller ikkje nytt. Innkalling til operasjon i 2004. Diverse avisutklipp. Klistremerker og strikkepinnar på heilt feil plass. Og der var skatten, ein skjebnes ironi ein dag ein ryddar og klagar over rotet sitt:
Eit avisutklipp frå 2008, med tittelen "Bli kvitt rotet". jada... det synes ikkje å ha virka å ha det liggande, så no er det i papirsøpla! Saman med ei mengde kvitteringar frå ca 2006 for klær til ungane og meg sjølv.
Og på ein slik sjølvransakande dag, kan eg jo minne om Piet Hein sitt dikt om hanskar... Ikkje alt eg fann idag som eg visste eg hadde, og kanskje har eg kasta noko eg kjem til å sakne?!
Ha ein fin dag, med eller utan rot!

4 kommentarer:

  1. Jeg har drept hamstergenet mitt. Nå er jeg helt på andre siden og kaster alt jeg kommer over..... jeg har nok kastet mye jeg kommer til å savne, men har lært meg sette mer pris på menneskene og minnene fremfor tingene! <3 God dag!

    SvarSlett
    Svar
    1. Jeg ønsker egentlig ikke drepe hamstergenet. Men jeg vil gjerne system, studere det😊

      Slett
  2. Så herlig ukestart. Vet du - den regelen der har vel egentlig jeg også.., men litt vanskelig å holde.., av og til... ;)
    Ønsker deg en herlig kveld - stor varm klem til deg!

    SvarSlett
    Svar
    1. Jeg må nok øve for å få til dette. Øve lenge.
      Klem til Deg!

      Slett