onsdag 28. november 2018

Julehamster

Igår var det start på julematlaging. Det er jo koseleg arbeid.

Men det er andre ting som er kjekt også! Eg er ein hamster! Eg er tradisjonsmenneske, eg likar å ta fram julekoppane min når det blir jul, eg må ha det samme fatet å legge lefser på og eg drikk jule-te.

Og her kjem hamstring inn i bildet. Eg har allereie tre sortar jule-te i hus, Jada! Eg har kjøpt adventskalender.

Og eg har nye novemberkoppar. Eg kallar dei novemberkoppar, eller vinterkrus, alt ettersom. Eg fann 5 stykker på salg etter sist jul. Store, rause krus. Raude, med fint mønster. Taiga-krus frå iitala. Så klart eg ikkje trong dei! Dei vart lagt i ei kasse i kjellaren, og så håpa eg at ingen skulle legge merke til at vi hadde fått nye koppar. Det var litt mykje å håpe på, kan du seie. Og no fann eg nettopp eit sjette krus, på salg. Så klart  5 6 krus er passe. Iallfall om eg ryddar bittelitt i skapet.


 Minimalisme er visst ikkje mi greie!


Men jule-te i nye krus, det er fint det! Og grovt brød med appelsinmarmelade og ei pepparkake til "dessert". På eit fat eg ikkje veit kvar kjem frå.



(Og eg har ikkje sagt noko om det andre juleserviset eg har byrja samle på. Det ligg i kjellaren enno, men skal fram i løpet av desember. Eg må berre rydde litt i skapet på kjøkkenet, som sagt)

Ingen kommentarer:

Legg inn en kommentar