mandag 28. september 2015

Vekestart veke 40

Eg har ein son som er heime på haustferie. Det er noko heilt nytt i den setninga. Fram til no har det vore eg(etterkvart med barn) som har reist heim på haustferie. Iår er det første gong nokon kjem heim til meg ! Det er fint! Veldig godt å ha han heime, og litt rart. Han syns det er stille her, berre fordi han er vant til å ete frukost med 140 andre, og til ei kvar tid ha nokon som er klar til å finne på noko. Ikkje skal han sove i telt denne veka, eller padle elvekajakk, gå på bre eller sykle down-hill. Men reine klær, ferdig bretta og reparert og mors kjøttkaker(eller lignande), formaningar og mild omsorg det skal han få!
Kunststopping er ikkje mi greie!

Eg skal operere øret(forsetting og utgreiing kjem) Eg førebur meg, har kjøpt lesestoff og finn fram komfortable klær. Lagar lister over ting eg skal huske å ordne først, og minner mannen på at han har lova å kjøre meg i god tid på onsdag morgon. Det er praktisk å bu nært sjukehuset når ein skal møte kl 07.30.

I går hadde vi søster og familie på besøk. Det blir ikkje så ofte, sjøl om vi bur berre 15 minutt kjøring frå kvarandre. No brukte vi den heimkomne sonen som unnskyldning, og vurderte å slakte gjøkalven (som vi har gjødd på i årevis...)men gjorde det av med ein stor stabel vaflar. Uformelt og kjekt, ei stor kasse gamle leiker, ei stor dose humor og lite sjølvhøgtidelegheit, litt alvor, mykje musikk, gode historier etc. Så gjekk tida, og eg som hadde pulled-pork på langsteiking i omnen, fann ut at dei like gjerne kunne ete middag og. Dei takka ja momentant! Med litt utviding av menyen, med nokre grove pølser og karbonader, burgerbrød, potetbåtar og cole-slaw, fekk alle noko dei likte og alle vart mette. Eg får energi av slike dagar og slike besøk! Å kunne ta det vi har, ha meir fokus på samvær enn formell etikette, er sunt!
Og R2D2 sto rett rundt hjørnet idag, etter festen igår!


Vekas dikt må bli ei ønskeliste:

Ønskeliste
Pulsvarmere, håndstrikket, lenge.
Kritt i alle farger
sekunder – minutter – timer
en dagbok, blanke ark.
Og et skjerf med hull inni
Og en klokke som går baklengs når vi er sammen.
Martina Gaux
Må veka di bli fin! Med eller utan klokke som går baklengs!


5 kommentarer:

  1. Så koselig! Både med hjemkomne sønner og familiemiddager!

    I dag har jeg og yngste besøkt nestyngste på hennes skole. Fin dag, koselig kjøretur fram og tilbake og kjempekoselig å være sammen. Vi savna bare pappa og eldstemann. Planlegger å samle hele hurven når midterste kommer hjem neste uke. :-)

    Lykke til med operasjon!

    SvarSlett
    Svar
    1. Det er noe med å samle flokken :) Både den nærmerste og litt utvida! Og litt rart at vi ikke er sammen hele tida...
      Håper dere får være sammen neste uke!

      Slett
  2. Koselig innlegg!
    Har også ein heime på haustferie.
    Han går vg.skule i Østfold. Det er den yngste. Den eldste bor nærmere deg. :-)
    Heldigvis bor midti heime. Snart sitt vel "gamlefolket" i gyngestol.
    Ha fin veke!
    Og lukke til med operasjon!

    SvarSlett
  3. Koselig innlegg!
    Har også ein heime på haustferie.
    Han går vg.skule i Østfold. Det er den yngste. Den eldste bor nærmere deg. :-)
    Heldigvis bor midti heime. Snart sitt vel "gamlefolket" i gyngestol.
    Ha fin veke!
    Og lukke til med operasjon!

    SvarSlett