fredag 22. mai 2015

Fredag i mai

Det er fredagskveld.
Eg har vore på jobb. Starta grytidleg, og då kunne eg gå litt tidlegare.

Det er kaldt, det regnar, det er grønt, det luktar nyutspronge lauv og lysegrønt! Det veit eg, for eg tvinga meg opp av kjøkkenstolen, tok på regnjakke og gode sko og gjekk tur. Det var fint, bortsett frå at eg sakna hanskar, ullbuff og lue…slik over midten av mai. "Kuldefront over Trøndelag" sto det i Adressa idag, og eg skriv under på det! Godt å kome ut, lell. Og lukta av ferskt lauv…sukk, barndom og vår og gode kjensler i magen!
Det er så fint!


Godt å kome inn igjen var det, og middag saman med tøvekoppane(les: teåringssonene) er ganske kjekt! Eit springande referat frå dagens fysikkeksamen frå russen, og litt kortare referat frå skuledagen frå 17åringen. Det er ikkje stille lenge i gongen med dei to i huset!

No er eg godt parkert i sofaen framfor tv´n! Ingrid Bjørnov syng for meg, og det er fint! Mannen har guttelag i stova, tenåringane har forsvunne hit og dit. Eg har forskansa meg med både blåbær, riskaker og Pepsi max, vi får sjå kor lenge eg held meg til dette…
(eg veit det er mokkabønner i kjøkkenskapet….)

2 kommentarer:

  1. Ingrid Bjørnov her også. Det er så moro å høre på henne. Hun er ett år eldre enn meg, så hennes "2012 ouvertyren" handlet egentlig om min barndom og oppvekst.
    Straks er det 20 spørsmål... :-)

    (Og jeg vet at det finnes både sjokolade og brus i kjøleskapet...)

    SvarSlett
    Svar
    1. Godt begynt er ikkje alltid vel endt…. Eg skal også få med meg "20 spørsmål", og kanskje litt krim :) Ein kveld i eige selskap er igrunnen luksus!

      Slett