onsdag 22. mars 2017

Vekestart veke 12

Eg har fridag. Ute har våren ei bittelita pause, det snør. Eg går i silkebukse(eller eiegentleg sitt eg i ro i sofaen), drikk te og har lese avisa, lenge. Eg har ein stor bukett tulipanar på bordet.



Planen for dagen er innhaldsrik! Eg skal snakke med ein oppvaskmaskinreparatør. Mannen brukte masse tid på maskina i går, og vi har ikkje flerie idear om kva vi skal gjere! Den vaskar ikkje øverste skuff, og juksar elles og... Etterpå skal eg prøve ny trening for ryggen, eg skal kanskje fortelje meir om det seinare, vi får sjå kor vellukka det blir. Eg skal på konsert med eit jazzband junior spelar i, trur vi kan kalle det improvisert jazz, mellom anna.

Eg rekk nok ikkje skitur, men eg har vore på mange fine turar i det siste.
Eg er delt om våren. Eg kjenner intenst på gleda over våren som kjem, med varme i solveggen, fuglesang tidleg på morgonen, endeleg tid til å finne fram småsko og lettare klær.
Samtidig er skogen så fin no, det er skiløyper og fint føre. Der kan du også høre fuglesangen, eg høyrer det tiner i grøftene, det klukkar her og der. Det er spor etter hare og elg, sola varmar godt i ansiktet og eg syns eg har fått litt farge! (Ein ting forresten, kvifor går folk i skogen med store øretelefonar og høyrer musikk? Er dei klar over alle lydane dei mistar? Og er dei klar over at ørene også treng pauser? Det er forsking som tyder på at ørene våre treng kvile, at dei ikkje bør få konstant påfyll med musikk etc, og skogens stille sus er veldig bra kvile!!! Ein annan ting er at dei eer farlege, dei får jo ikkje med seg det som skjer rundt. Sa den gamle damen... )

Men om ikkje lenge, då vil eg ha vår! Snart vil eg helst ikkje vakne til kvit plen, som var nesten bar dagen før. Snart vil eg ha meir varme! Eg vil sitte ute, eg vil sjå at det blir grønt og at blomstrane kjem. Eg vil ha VÅREN!


Hermed hylder jeg uten forbehold
VÅREN som det eneste effektive
middel mot sne!
Andre Bjerke

Men altså, enno taklar eg nokre dagar til med snø og sol i marka! 



4 kommentarer:

  1. Jeg er faktisk avhengig av nok snø for å kunne glede meg ordentlig over våren, for finnes det noe bedre enn lyden av snø som smelter, drypper fra trær og tak og klukker i bekker og takrenner? :-)
    Og så den gode lukta, da!

    Jeg er forresten veldig glad i å høre på musikk, men ute i skogen er det virkelig andre lyder som er viktigere å få med seg!

    SvarSlett
    Svar
    1. Luktene, ja, de er viktige!

      Og det er ikke galt å høre musikk, men det er dumt å gjøre det hele tiden.

      Slett
  2. Godt sagt, Irene! Ja til årstidene og gleden over tulipaner i sola!

    SvarSlett
    Svar
    1. Det du sa; årstider og tulipaner! Og her er det rikeleg med årstider om dagen, vi har full vinter og vips litt vår innimellom....

      Slett