mandag 28. november 2016

Vekestart veke 48

Då er vi straks igang med desember. Igår var det 1.søndag i advent, og tradisjonen tru var det adventsfrukost der alle stilte smilande og opplagte! (mor gløymer av og til at dei søte, små ikkje er så små lenger, har sine eigne liv med fester og vener og seine kveldar, men altså, ein tullar ikkje med tradjisjonar og det vart felles frukost! Ikkje så veldig tidleg...)


Vekas vers må berre bli

No tenner vi det første lys, 
åleine må det stå.
Vi ventar på det vesle barn, 
i krubba lagt på strå.

Alle sang med, tross trøtte tryner, at natta hadde vore kort og ein alder der familiefrukost ikkje står høgast på prioriteringslista; tradisjon er tradisjon.
Helga har vore mykje familietid, eldste junior har hatt perm, og vi har kosa oss saman(mest litt utpå dagen) Det har vore god mat, prat, latter, vi har spela brettspel og pynta til advent.

Sviblar i ei glaskrukke, det er lukta av advent! 

Mandarinlykt.
Eg vart utfordra av ein  nevø til å lage madarinlykt. For å få godkjent var det ikkje lov å bruke telys inni, det skulle vere kun "organisk" materiale. Det funka så bra! Får du det til? Eg anbefalar å prøve! (og eg kan godt gje eit hint om framgangsmåten om du vil)


Laurdag kveld var litt magisk. For kvar gong eg såg ut, hadde fleire og fleire hengt opp stjerner, lyskuler, lyslenker inne og ute, pynta busker rundt huset. Den mørke kvelden vart lysare! På søndag morgen hadde det kome eit tynt lag melissnø, saman med alt lyset, var verda ein lysare og lettare stad!
No er eg klar for advent og snart jul. Eg treng hausten først, før eg er klar. Det er det same kvart åt, eg treng november før eg er klar for advent, og eg treng advent før eg er klar for jul! Litt det same som at eg treng kvardag, grøvbrød og gulrot for å glede meg over helg og loff.

Håpar veke di blir strålande! Og at du får ein god start på desember!


4 kommentarer:

  1. Nei, tradisjoner kimser man ikke av! Jeg er enig med deg: jeg trenger hele høsten og hele november for å bli klar til jul. Da er det også kjempekoselig med jula når den kommer!

    De mandarinlysene har jeg lyst til å høre mer om! :-)

    SvarSlett
    Svar
    1. Sender deg en melding om lykta :) Nå byrjar eg glede meg skikkeleg til jul, og alt vi skal gjere då. Men først nyte advent!

      Slett