mandag 14. november 2016

Mi indre hurpe

Vanlegvis har eg god kontroll på mi indre hurpe, men idag stakk ho seg fram ein tur.

Eg skulle handle mat++ idag, og stakk innom ein av dei mange butikkane i nærområdet. (Eg er litt bortkjemt, trur vi har 9 matbutikkar innan ein gangavstand på 15 min) Eg har enkelte favorittar, og andre som står lenger ned på lista. Av ulike grunnar tok eg idag turen innom ein eg vanlegvis ikkje brukar. Det skulle dei sikkert ønskje at eg ikkje gjorde. Eg også, iallfall undervegs.

På min runde rundt i butikken, fann eg den hylla snart alle butikkar har no, og som eg likar aller best: den med varer som snart går ut på dato, og som har nedsatt pris. Eg blir så glad av slike hyller! (min indre hamster blomstrar opp!) Eg finn ting eg kanskje ikkje hadde kjøpt ellers, men no prøvar ut. Det blir mindre mat som blir kasta, og eg må jo tilstå at eg likar ting som er billege! Så eg kikka over kva som var der, og fann noko som passar perfekt til middag i morgon og yoghurt som er supert som mellommat. Så fann eg det som sto på lista og gjekk til kassa.

Eg legg varene på båndet og følgjer slik halvvegs med. "Denne varen går snart ut på dato", seier ho i kassa. Ja, sa eg, og tenkte at det forsto jo eg også sidan den er merka med "kort holdbarhet, men like god, minus 40 %". Så kikkar eg på summen, og tenkjer at dette vart då veldig dyrt. "Desse varene er nedprisa", seier eg. "Nei", seier ho i kassa. Jammen, dei er jo nedprisa, seier eg. "Nei", seier ho i kassa. Jammen, dei er jo merka med minus 40%?! prøvar eg meg. "Nei", seier ho i kassa. Jo, seier eg, og viser henne lappen på varene.


"Den slags lapp har eg aldri sett før", seier ho. Den må jo bety at varen er nedprisa? meinte eg "Nei", seier ho i kassa. "det står det er kort holdbarhet". Jammen, og det er no hurpa ikkje er så veldig indre lenger, er det kaloriinnhaldet som er 40% lavare då?! (eg ser at det var umodent og dumt, men eg var litt lei) No var køa bak meg ganske lang også, og ho fekk tak i ein kollega som kunne forklare at minus 40% betyr at varen er nedprisa, ho i kassa var framleis sterkt i tvil... Køa voks endå lenger bak meg, for no vart det kortkurs i scanning og retting av prisar. Eg fekk varene til tilbodspris, ho i kassa lærte noko nytt og ho unnskyldte seg etterpå, så mi indre hurpe roa seg ned igjen.

Eg gjekk heim og åt yoghurt. I morgon skal vi ha grov kokemorrpølse til middag. Dame (48) er tross alt fornøgd. Satsar på at mi indre hurpe ikkje treng vise seg på ei stund.

11 kommentarer:

  1. Men i all verden. Hva trodde hun at det betydde da?

    SvarSlett
    Svar
    1. Holder en knapp på at hun trodde kaloriinnholdet gikk ned med 40%... evt at det var kort holdbarhet! Ikke at prisen gikk ned iallfall. Åh, kjenner litt på blodtrykket nå igjen!

      Slett
  2. Tja, hurpe og hurpe - "stå på sin rett" vil nesten jeg kalle det ;-)

    SvarSlett
    Svar
    1. Ja, det var vel egentlig det, men bikka nesten over til å bli ugrei... og ingen liker ugreie kunder...det var iallfall lite "kunden har alltid rett"!

      Slett
  3. Visste du ikke at antall kalorier reduseres i takt med holdbarhet?

    *fyrer oppunder*

    Godt skrevet, jeg sto bak deg i køen (følte jeg).

    SvarSlett
    Svar
    1. Du skal vere glad du ikke sto bak meg, sånn egentlig :) Glad for støtte! (og tenk om det stemte det med kalorier og holdbarhet?! "dagdrømmer")

      Slett
  4. haha, noen ganger må den indre hurpa luftes.Og så er det litt fint å ha kommet til en slik fin alder at indre hurper kan luftes ved behov.

    SvarSlett
    Svar
    1. Indre hurper som ikke luftes av og til er direkte farlige! Og 48 år og såpass trygg at man kan ta opp kampen, deilig!

      Slett
  5. Godt det løste seg <3 og at noen lærte noe nytt :)

    God uke videre! Klem

    SvarSlett
  6. Det løste seg. Heldigvis. Men eg blir litt ufin mår slikt skjer... Klem til deg

    SvarSlett
  7. Denne kommentaren har blitt fjernet av en bloggadministrator.

    SvarSlett