tirsdag 5. januar 2016

Restesuppe og andre middagstips

Eg er flink å ta vare på restar, og av og til må eg gjere ein innsats for å tømme kjøleskap og frysar. Eg har vorte flinkare til å merke det eg puttar i frysaren med kva det er og dato, då er det lettare å ta opp igjen. Sjølv om eg trur eg huskar godt, er det ikkje alltid slik når eg åpnar frysaren... Boksar med uidentifiserbart innhald har det med å bli liggande lenger og så kasta.

På søndag hadde eg ei lita opptelling, og i kjøleskapet har eg laks, fiskekaker og bacon. Kokt potet til ein middag for tre var det også. I frysaren fann eg fiskebollar i kvit saus, chorizopølser, kyllingkjøtt etter ein heilstekt kylling i jula, pinnekjøtrestar, juleskinke, ferdig stekt ribbe og fiskeball. Altså mange middagar! Eg har difor sett opp ei plan for veka:

Måndag: Fiskebollar i kvit saus med kokt potet og gulrot. Det er også veldig godt med revne gulrøter med appelsin og rosiner til! Ein veldig lettvint middag når eg hadde kokt potet og berre trong varme opp alt!
Tirsdag(idag): Eg tok fram kyllingkjøt og chorizo, kutta opp løk, paprika, brokkoli, gulrot, sukkererter, kvitløk og stekte kjapt. Så slo eg på kraft og kokosmjølk og tilsette ein boks kikerter. Krydra med grønn currypasta og chilipulver. Perfekt på ein kald januardag!
Hot suppe!

Onsdag: Tenkjer eg vi skal ha bakt laks med kål og ingefær- og chilisaus. Ein favoritt i heimen! Berre trykk på linken!
Torsdag: Eg vurderar ein betasuppevariant med pinnekjøttrestane. Muleg vi må ha litt meir kjøtt?
Fredag: Fiskekaker i hamburgerbrød, og heimelagd cole slaw.

Då har eg fått brukt ein del restar og innkjøp som berre ligg der. Ser dessutan at vi ligg godt an på inntak av fisk/fiskemat, det er jo bra!

Eg har planer for ein del av det andre også:

  • Juleskinka skal glaserast med lønnesirup(junior har tankar om korleis vi skal gjere dette, så det får bli eit fellesprosjekt)
  • Fiskeball med stekt bacon og kokt potet, gulrot og kålrot.
  • Ribbe pensla med ein saus av hoisin, soyasaus, reven ingefær og chili, og varma i steikeomnen. Servert med woka grønsaker og kokt ris(dette prøvde vi i jula og det var godt!)
Altså har eg planene klare :) No står det att å gjennomføre...det krever at eg huskar å ta opp frå frysaren feks! 



8 kommentarer:

  1. SMART!

    OG I MORGON ER DET LISJELAURDAG ;-)

    SvarSlett
  2. Dette her er helt i min ånd, jeg er vokst opp med at vi ikke kaster mat. Stor klem til deg i dag!

    SvarSlett
  3. Så artig og inspirerende - ja en kan absolutt lage både enkle og gode retter av restemat! Fikk noen ideer nå - så takk for inspirasjonen og "god middag" :)

    SvarSlett
    Svar
    1. Så bra! Idag har vi hatt betasuppe, og familien slåss nesten om restene! Pinnekjøtt, grov pølse, en pose grønsaker og buljong, kokte vel og lenge sammen. Nydelig!

      Slett
  4. Så bra å se at det er flere andre som tenker i disse baner! Jeg blir regelrett skremt når jeg ser hvor mye mat vi mennesker kaster.

    SvarSlett
    Svar
    1. Sjøl når jeg bevist går inn for å bruke rester, klarer jeg ikke bruke alt. Så nå må jeg se nærmere på hva jeg kjøper også, og hvrdan jeg oppbevarer ting.
      Det er skummelt hva som bare blir liggende og så kastet... Det er bare å fortsette for oss alle!

      Slett