torsdag 1. september 2016

Kan det vere hausten?

I går kveld skulle eg sjå over uteplantene når eg først var ute med søppel, men det var så mørkt?! Klokka var ikkje ein gong ni.
Noko er i ferd med å skje...

Morgonane har vorte kaldare, med klarare luft og høgare himmel, dei dagane det er opphaldsvær. Det er godt med tjukkare jakke, og eg må snart byrje med strømper igjen. Ei og anna natt ønskjer eg meg vinterdyna, men finn fram eit ullteppe, det får vere måte på!
Bringebæra i skogen er snart overmoden, og blåbæra syng på siste vers, heldigvis er det snart modne tyttebær.
I helga var første kveld med lys i lyktene ute, det er så fint når dei lyser i kveldsmørket.
Fargene i naturen byrjar endre seg. Det er norske epler i butikken.
Ferietida på jobb er over, vikaren har slutta og vi andre er vel ferdige med ferien og godt igang med både rutiner og møter.


Travle arbeidarar





Denne fekk stå!

Velkommen inn!
Det er 1.september idag.
Det kan nok vere hausten. Årstidahjulet går og går. Var det ikkje nettopp vår?!

3 kommentarer:

  1. Hjertehjertehjerte! Endelig er den her! Jeg fant fram dundyna på søndagskvelden - den aller beste natta i løpet av året er første natt med ordentlig dundyne. Den nest beste er den natta vi skrur klokka til normaltid igjen, det vil si: hvis jeg klarer å rote meg i seng i skikkelig tid i forhold til sommertida - det gjør jeg sjelden... Men den natta er bra likevel. ;-)

    Jeg er så fryktelig glad i høst og gleder meg for hvert minutt dagen blir kortere fra sankthans til jul. Neida! Helt normal! :-D

    Nyt høsten! :-)

    SvarSlett
  2. Hausten er fin, men eg slit alltid litt I oppstartet, for eg er så glad I sommar! Så eg søv helst med ullteppe nokre veker før eg finn fram vinterdyna ☺

    SvarSlett
  3. Telys, bok og te, blir fin tid vi går inn i nå!

    SvarSlett