Eg hadde ei plan om å blogge kvar dag i desember, det gjekk nesten. Eg hadde ei plan om å skrive både 21. og 22. og 23. desember, ikkje minst eit "god jul"-innlegg på julaften! Kvifor vart det ikkje? Livet skjedde. Eg tenkte å gje deg eit lite glimt av det som skjedde.
21.desember hadde vi grautfest (det går heilt fint å kjøpe Fjordland-graut. Den kan varmast i mikrobølgeomn og så tømmast over i ein kjele) Dette er ein vennefest/kurvfest, alle tek med litt, og vi byttar på kvar vi er. Iår var det hos oss. "Ungane" byrja bli store, men jammen vil dei fleste vere med om dei kan. Så vips var vi 22 stk! Då krever det litt organisering av møblar på førehand(vi har ikkje spiseplass til så mange, eigentleg ikkje plass i det heile, men der det er hjarterom etc), litt rydding og litt innkjøp. Det vart fullt hus, latter og prat og graut, spekemat og kakebord. Utruleg kjekk kveld! Kjenner meg så rik med så mange fine folk i livet mitt! Men tid til blogging vart det ikkje...
![](https://blogger.googleusercontent.com/img/b/R29vZ2xl/AVvXsEgTcYNgoOOOuye7KiuiEqlC3GVgSriSxCHiKHTM3t8vGOswAf-MOhnZYo18tVWKYOrxZEiWDp5CuSYvW2lx5gLKxBbqC7Kk2cpSjuciN25du3NnbTfAZUoyEU_gfGZs4LMza-t-lPasWkk/s320/2016-12-21+16.36.56.jpg) |
Klart til grautfest |
![](https://blogger.googleusercontent.com/img/b/R29vZ2xl/AVvXsEi2wxaamZjvbJyJdegH0bTNcxlUAsphz19TlwSnpmtGpwRKmNGECzLEsf5u5EEn5YXuSMFAMWIkytONTRpR8MpgV_-zdFs6779TpfqvU0opFauiNmd6n64UO0QxOFHpAT1wl79vGKi9e5A/s320/2016-12-21+18.42.45.jpg) |
Kake må man ha! |
22.desember var det jobb, rydding etter grautfest, litt førebuing til jul, innkjøp av dei siste gåvene, planlegging, ta fram julepynt, sjå over dukar og vips hadde dagen gått.
![](https://blogger.googleusercontent.com/img/b/R29vZ2xl/AVvXsEgz1KHmZw8AUSxhznahZQiE22RFlNNxy2qZU0-6B9HPXr_0SFTewRShfhAlYuPEE64-HPoF_LM21FpsjwFQtu_PpCYzLTViGHcx7QmdRRl-UTnF3cIK7_znRqe0uQMrzS9wQD_CnT8wo4E/s320/2016-12-22+08.22.54.jpg) |
Siste innspurt på jobb |
23.desember, fridag, lillejulaften. Ute snødde det, rett nok våt snø, men det er kvitt! Mannen meinte vi låg utruleg godt an til jul, men det er merkeleg kor mykje som skal gjerast lell. Lang handleliste, sjølv om ein trur det meste er kjøpt. Sende julebrev, ja, det vart litt seint. Lage dessert; Dronning-Maud-fromasj, som er vår faste julaftendessert. (funfact: eg ser tv-program om Maud sine fotografi sånn ved sida av no). Huske å legge pinnekjøtet i vatn. Tenkje på at ein skal stryke dukar. Pakke inn gåver. Få nokon til å sette fot på treet. Ein etterlengta frisørtime.
Og til slutt: pynting av juletre. Då hadde vi det så fint at eg nesten fekk vondt. Plutseleg dett ting på plass. Gutane tok nesten bølgen av glede over all den fine julepynten, både den dei hadde lagd sjølv som små og den vi har kjøpt opp igjenom åra. Masse historier som må forteljast, bilder som blir sendt ut på sosiale medier av både alligatoren og pingvinen, hjortehorna som er pynta med lys, og ikkje minst alle kommentarane som kjem tilbake. Tøys og tøv! Til slutt påsmurte julebrødskiver, kaffe og te, berre lyset frå juletreet og stjerna, musikk med Bugge Wesseltoft i bakgrunnen. Ingen som skal noko. God tid! Men ikkje til blogging.
![](https://blogger.googleusercontent.com/img/b/R29vZ2xl/AVvXsEhElV5twKcrwprlTgwzTNagwabwve0PwFCbEjqGA7d0vY-8se8pHcyCWm1NzjKxwRmHdJikw2RtYB9E_NewVq2ElFWByuz69LxpIkrpxW96-5n6tzT1uN03ScaBy_lVxXEZqf7at56VemU/s320/2016-12-23+20.21.07.jpg)
![](https://blogger.googleusercontent.com/img/b/R29vZ2xl/AVvXsEjFjYM8Ilxv4Phzg9shPO-cJ8_CSFA_RBVhdXw20bbSXnNehCDrwPP2fdXvyLVXjFOW2jhxR4iNaSn5UY3NyqvbkxOg-qb4v5BUjlXN_c6OnOD6Aws-8lEq_XqUVogy9F-trNa4uLwkuqI/s320/2016-12-23+23.09.35.jpg)
![](https://blogger.googleusercontent.com/img/b/R29vZ2xl/AVvXsEjTp-5uoSs9eG3IwIs8gQpAKQUzzYh1nTnjZMDkvAN5cUmwAI838onmIN7wz9YidbSspPsb0eEQrduP4PA47dbloYVil29H9DjOotkXXqyYium6P6pP8aoctdd4NDCaGV3Zh4Z08tAnFaU/s320/2016-12-23+20.22.53.jpg)
![](https://blogger.googleusercontent.com/img/b/R29vZ2xl/AVvXsEiFmmtViD9HWdVvSp1AOQUbubA0WfZA1aGPFnUIMZk1dG44pOIyh4CVXGhYjG1YQgMs7tW3Fwf4qVccIjOfx54CtwBOufJVRx6YK0ch1jBzQYypteK9fhwslV-cdvoeg5fvdVEdcBuXsJ4/s320/2016-12-23+20.39.06.jpg)
Julaften! Lang frukost. Kjøpe den siste julegåva, organisere dei siste innkjøpa. Nokon reiser for å sjå etter båten, med alt uværet som er meldt er det godt å ha gjort det! Legge på juledukar, finne fram blomster. Sjå om det er meir pynt som skal settast fram. Endeleg få fram strykebrettet og stryke damaskduk og tøyserviettar. Høyre julemusikk på radioen. Sette på pinnekjøt til kok, og kjenne sjølvaste lukta av jul spre seg i huset. Sjå Disney på tv. Plutseleg få invitasjon til å vere med på julegudsteneste i Nidarsomdomen. Stor oppleving! Stresse bittelitt heimover, og få pynta bordet og så var det middag! Julekveld, juleevangeliet, julegåver, kaker, samvær med familie.
![](https://blogger.googleusercontent.com/img/b/R29vZ2xl/AVvXsEh3Op3yssU2NteOhdbCE_aFDK8dJUjx7QYLKOEyF6ZLELQVbzICJO-yEAxmuRbXCT10umcsPXxH7abzBvPLHLZLY7PS1XhRrbQxUaFn_5WkbZNbyOtFzI28TJqOPr0Xcppc6XUvr63cYQ8/s320/2016-12-24+12.05.20.jpg) |
Stryking |
![](https://blogger.googleusercontent.com/img/b/R29vZ2xl/AVvXsEhMAFRLKwVXn1JtW0YMuP_tREEuo8Yd_-5bhc1AKjQfAg6rYWk5SSq5MEX8TdG8KjJ5RpWC2ejXV4ExgfMShLQrbBLDkVKXUdaHbBRuCFqSlYLr0xRmjUw__MHpctkv5H-J1OqBbXfZwQc/s320/2016-12-24+15.24.33.jpg) |
Nidarosdomen |
![](https://blogger.googleusercontent.com/img/b/R29vZ2xl/AVvXsEg6UV2FXD9qyAee43g9wF3xc50xLh0WVI1-6QIcbGV_YkryIgmCFaa9S1SViisGe4g22sTc0XQkQlU_j2s7-iYdgxwyUfK1yQNMpSYw-nVhYplQ1gR-GplPAHnXNBAWZttitSTOaZYaxF0/s320/2016-12-24+17.29.57.jpg) |
Det blir julepynta bord |
![](https://blogger.googleusercontent.com/img/b/R29vZ2xl/AVvXsEgyCY0sc8hr5lye6_FVBQrfmAdz3pNL73IVwrpTTMWMMp_J_AvyD13EJDn4xqYYOjdsI8uwgfTcjCTqxbExKo13aosziW_47MVC85CWlYDQvNovSfXxxaXGdGrYnQ_f2iDy-TI-c07qiLA/s320/2016-12-24+17.43.57.jpg) |
Endeleg middag! |
I går hadde vi familieselskap, med ribbe til middag, kaffe og kveldsmat. Vi spela spel, gjekk tur, prata og var saman. Idag har det vore lavt tempo, mykje sofa og endeleg fisk til middag.
Eg rakk ikkje å blogge før no, er det så nøye? Eg er rik og heldig!
![](https://blogger.googleusercontent.com/img/b/R29vZ2xl/AVvXsEhaBit8kcYpf1gwRPxW_b4aRLEjHUZxbBP_S-vkSwPeLJKjsIQNVC2EWlpFZcalWjC0ZQdTZOjFlf0ZwJu4zTSiVwmULadsRYzEdZPJ1nQidc0zfuw2SGTeXLL-EvUOXPTlZ4vZ3bVRKfw/s320/2016-12-26+10.07.48.jpg) |
Utsikt ut kjøkkenvinduet idag. Det var sol ei lita stund. Og det er snø! |